2014 பொதுத் தேர்தலில் பாஜக வரலாறு படைக்கும்- அத்வானி

டெல்லி: 2014 லோக்சபா பொதுத் தேர்தலில் பாஜக வரலாறு காணாத வெற்றியைப் பெறும் என்று மூத்த பாஜக தலைவர் எல்.கே.அத்வானி கூறியுள்ளார்.

இதுதொடர்பாக அவர் கூறுகையில், நாட்டின் அரசியல் சூழ்நிலை பாஜகவுக்கு சாதகமாக உள்ளது. சாதனை படைக்கும் அளவிலான முடிவுகளை லோக்சபா தேர்தலில் பாஜக எட்டும் என்பதில் சந்தேகம் இல்லை.

ஊழல், விலைவாசி உயர்வு உள்ளிட்ட பல பிரச்சினைகளில் ஐக்கிய முற்போக்குக் கூட்டணி அரசு பெரும் தோல்வி அடைந்துள்ளது. மக்கள் கடும் கோபத்தில் உள்ளனர். இவை அனைத்தும் பாஜகவுக்கு சாதகமாக அமையும்.

கடந்த காலத்தை விட தற்போது பாஜகவுக்கு மிகப் பெரிய ஆதரவு அலை காணப்படுகிறது. எனவே நம்பிக்கையுடன் லோக்சபா தேர்தலை பாஜகவால் எதிர்கொள்ள முடியும்.

முன்கூட்டியே தேர்தல் வரும் என்ற எதிர்பார்ப்பை தவறு என்று சொல்ல மாட்டேன். வருவதற்கான வாய்ப்புகள் நிறையவே உள்ளன என்றார் அத்வானி.

English summary

Senior BJP leader LK Advani today said the political atmosphere in the country is ideal for the party to get "record breaking results" with the Congress-led government failing to tackle corruption and price rise, creating a favourable condition for the main Opposition.