செப்டம்பர் 8ல் பழ. நெடுமாறன் தலைமையில் காளிமுத்துவின் மகளை மணக்கும் சீமான்

By Siva

Published: Monday, July 29, 2013, 14:41 [IST]

Subscribe to Oneindia Tamil

சென்னை: திரைப்பட இயக்குனரும், நாம் தமிழர் கட்சி தலைவருமான சீமான் அதிமுக முன்னாள் அமைச்சர் காளிமுத்துவின் மகளை வரும் செப்டம்பர் மாதம் 8ம் தேதி அன்று மணக்கிறார்.

திரைப்பட இயக்குனரும், நாம் தமிழர் கட்சி தலைவருமான சீமானுக்கும், மறைந்த முன்னாள் சட்டசபை சபாநாயகரும், அதிமுக முன்னாள் அமைச்சருமான காளிமுத்துவின் மகள் கயல்விழிக்கும் திருமணம் நிச்சயமாகி உள்ளது. நேற்று தான் நிச்சயம் நடந்ததாகக் கூறப்படுகிறது.

அவர்களின் திருமணம் வரும் செப்டம்பர் மாதம் 8ம் தேதி சென்னை ஒய்.எம்.சி.ஏ. மெமோரியல் அரங்கில் தமிழர் தேசிய பாதுகாப்பு ஒருங்கிணைப்பாளர் பழ. நெடுமாறன் தலைமையில் நடக்கிறது. இந்த திருமணத்திற்கு இந்திய கம்யூனிஸ்ட் கட்சியின் மூத்த தலைவர் ஆர். நல்லக்கண்ணு முன்னிலை வகிக்கிறார்.

திருமண நிகழ்ச்சியில் திரையுலகினர், நாம் தமிழர் கட்சியினர், பல தேசிய கட்சிகள் மற்றும் வெளிநாடு வாழ் தமிழ் அமைப்புகளைச் சேர்ந்தவர்கள் ஆகியோர் கலந்து கொள்ளவிருக்கின்றனர்.

Published On July 29, 2013