மிருகம் பாதி... மனிதன் மீதி... லண்டன் ஆபீசில் நடமாடும் ‘டெஸ்க் சஃபாரி’....

Published: Monday, July 29, 2013, 11:11 [IST]

Subscribe to Oneindia Tamil

லண்டன்: 'கடவுள் பாதி, மிருகம் மீதி, கலந்து செய்த கலவை நான்... உள்ளே கடவுள், வெளியே மிருகம், விளங்க முடியா கவிதை நான்...' என ஆளவந்தான் படத்தில் கமல் பாடுவாரே... அதை நிஜமாக்கி வருகிறார்கள் பாரின்காரர்கள்.

ஆபிஸில் ப்ரீ டைம் கிடைத்தால், உடனே டீ சாப்டலாமா என நம்மவர்கள் கேண்டீனுக்கு ஓடும் காலத்தில் நாமிருக்க, எதையாவது வித்தியாசமாக செய்ய ஆசைப்பட்டு, லண்டனில் இரு புண்ணியவான்கள் சேர்ந்து கண்டுபிடித்தது தான் இந்த ‘டெஸ்க் சஃபாரி' ஸ்டைல்.

அதென்ன ‘டெஸ்க் சஃபாரி' ஸ்டைல் என்கிறீர்களா... அறிமுகப் படுத்துகிறோம் வாருங்கள்...

டெஸ்க் சஃபாரி...

டெஸ்க் சஃபாரி என்பது வித்தியாசமான புகைப்படக் கலை. லண்டன் தான் இதன் தாயகம்.

விளம்பர யுக்தி...

லண்டனைச் சேர்ந்த மைக் மற்றும் பென் என்ற இரு நண்பர்கள் ஒரு வேலையற்ற வேளையில், ரூம் போட்டு யோசித்து உருவாக்கிய ‘க்ளிக்' தான் இந்த டெஸ்க் சஃபாரி.

விலங்கு பாதி... மனிதன் மீதி...

விலங்குகளின் உருவத்தோடு, தங்கள் உருவத்தையும் இணைத்து, போட்டோஷாப்பைப் பயன் படுத்தாமல் ரியலாக உருவாக்குவது தான் இந்த டெஸ்க் சஃபாரி.

சுட்ட வடைகள்...

மைக் மற்றும் பென், தாங்கள் எடுத்துக் கொண்ட வித்தியாசப் போட்டோக்களை நெட்டில் போட்டு விட, அதைப் பார்த்த சில ஆர்வக் கோளாறுகள், அதே கான்சப்ட்டை சுட்டு போட்டோ எடுத்துத் தள்ள ஆரம்பித்துவிட்டார்கள்.

நண்பரை பழி வாங்க...

இப்போது ஆளாளுக்கு இதே ஸ்டைலில் கம்யூட்டர் டெஸ்க் டாப், லேப் டாப் மற்றும் டேப்லெட்டில் இருக்கும் விலங்கிகளோடு ஆபிஸ் அட்மாஸ்பியரில் தங்கள் நண்பர்களை ஃபியூஷன் செய்து படங்களாக எடுத்துத் தள்ளுகிறார்கள்.