2ஜி சமோசா, கோல்கேட் சான்ட்விச்னு பெயர் வைத்தால் வன்முறை வெடிக்கும்: காங். எச்சரிக்கை
அகமதாபாத்: குஜராத்தில் உள்ள உணவகங்களில் விற்கப்படும் உணவுப் பொருட்களுக்கு ஐக்கிய முற்போக்கு கூட்டணி ஆட்சியில் நடந்த ஊழல்களின் பெயர்களை வைத்தால் வன்முறை வெடிக்கும் என்று அம்மாநில காங்கிரஸ் எச்சரித்துள்ளது.
ஐக்கிய முற்போக்கு கூட்டணி அரசின் ஊழல்களின் பெயரில் உணவுகள் வழங்குவது என்று குஜராத் ராஜ்ய ஹோட்டல் கூட்டமைப்பு முடிவு செய்துள்ளது. இதற்கு தெற்கு குஜராத் ஹோட்டல் அசோசியேஷன் ஆதரவு தெரிவித்துள்ளது. இந்நிலையில் உணவுப் பொருட்களுக்கு காங்கிரஸ் அரசின் ஊழல்களின் பெயரை வைத்தால் வன்முறை வெடிக்கும் என்று குஜராத் மாநில காங்கிரஸ் எச்சரிக்கை விடுத்துள்ளது.
இது குறித்து வதோதரா பகுதி காங்கிரஸ் நிர்வாகி ஷைலேஷ் அமின் கூறுகையில்,
குஜராத் உணவகங்களில் உணவுப் பொருட்களுக்கு ஊழல்களின் பெயரை வைத்தால் வன்முறை வெடிக்கும் என்றார்.
காங்கிரஸ் தலைவர் நரேந்திரா ரவாத் கூறுகையில், போராட இது சரியான முறை அன்று. எந்த உணவகமாவது தங்கள் மெனுவில் ஊழல்களின் பெயரை குறிப்பிட்டால் அதற்கு முன்பு போராட்டம் நடத்துவோம். அப்போது போராட்டக்காரர்கள் ஆத்திரம் அடைந்து உணவகத்தை சூறையாடினால் நாங்கள் பொறுப்பில்லை என்றார்.
இந்த எச்சரிக்களை எல்லாம் தாண்டி உணவுப் பொருட்களுக்கு ஊழல்களின் பெயர் வைத்தால் சூடான 2ஜி சமோசா அல்லது கோல்கேட் சான்ட்விச், ஜில்லென்று காமன்வெல்த் மில்க் ஷேக் கிடைக்கலாம்.
Click it and Unblock the Notifications
Sign in with Google