5ம் வகுப்பு பாட புத்தகத்தில் 'தீஃப்' மினிஸ்டரான சிக்கிம் 'சீஃப்' மினிஸ்டர்

கேங்டாக்: சிக்கிம் மாநிலத்தில் 5ம் வகுப்பு புத்தகங்களில் சீஃப் மினிஸ்டர்(chief minister) என்பதற்கு பதில் தீஃப் மினிஸ்டர்(theif minister) என்று உள்ளது.

சிக்கிம் மாநில கல்விக் குழுவுக்கு பெரிய அவமானம் ஏற்பட்டுள்ளது. அதற்கு காரணம் அம்மாநில பள்ளிகளில் 5ம் வகுப்பு படிக்கும் மாணவ, மாணவிகளுக்கான புத்தகத்தில் சிக்கிம் சீஃப் மினிஸ்டர்(chief minister) என்பதற்கு பதில் தீஃப் மினிஸ்டர்(theif minister) என்று அச்சடிக்கப்பட்டுள்ளது. மேலும் துவக்கப் பள்ளி மாணவர்களின் சுற்றுச்சூழல் அறிவியல் புத்தகத்தில் ஹெக்டேர்ஸ் (hectares) என்ற வார்த்தைக்கு பதில் ஹெக்டோர்ஸ்(hectores) என்றும், செர்டிபைட்(certified) என்பதற்கு பதில் செரிலிபைட்(cerilified) என்றும் அச்சடிக்கப்பட்டுள்ளது.

டெல்லியைச் சேர்ந்த டுலிப் பப்ளிகேஷன்ஸ் இந்த புத்தகங்களை அச்சிட்டுள்ளது. புத்தகங்களில் எழுத்துப் பிழைகள் இருப்பதை பார்த்து மாநில அரசுஅதிகாரிகள் 4 அதிகாரிகளை சஸ்பெண்ட் செய்துள்ளனர். மேலும் புத்தகங்களை வாசித்துவிட்டு அதில் உள்ள பிழைகளை திருத்துமாறு ஆசிரியர்களுக்கு உத்தரவிடப்பட்டுள்ளது.

English summary

Sikkim state education board is embarrassed as the state's chief minister is typed as thief minister in the class V text books.