• search
For Quick Alerts
ALLOW NOTIFICATIONS  
For Daily Alerts

மேட்டூர் அணைக்கு நீர்வரத்து அதிகரிப்பு… இரு தினங்களில் அணை நிரம்பும்

By Mayura Akilan
|

மேட்டூர்: கர்நாடக அணையில் இருந்து வெளியேற்றப்படும் நீரின் அளவு அதிகரித்ததால், மேட்டூர் அணைக்கு வரும் நீரின் அளவும் உயர்ந்துள்ளது. இதனால் மேட்டூர் அணை இரண்டு நாட்களில் முழு கொள்ளவான 120 அடியை எட்டும் என எதிர்பார்க்கப்படுகிறது.

மேட்டூர் அணையின் நீர்மட்டம், தற்போது 110 அடியை தாண்டிய நிலையில், பாசனத்திற்கான அணையில் இருந்து 12 ஆயிரம் கன அடி நீர் திறந்துவிடப்பட்டுள்ளது.

அணை முற்றிலும் நிரம்பும் பட்சத்தில் அணைக்கு வரும் தண்ணீர் முழுவதும் உபரிநீராக வெளியேற்றப்படும்.

1 லட்சம் கன அடி

1 லட்சம் கன அடி

கர்நாடக மாநிலம் கபினி மற்றும் கிருஷ்ணராஜ சாகர் அணையில் இருந்து தற்போது காவிரியில் 1 லட்சம் கன அடி தண்ணீர் திறந்துவிடப்பட்டுள்ளது. இதையடுத்து கர்நாடக-தமிழக எல்லை பகுதியான பிலிகுண்டுலுவில் நீர்வரத்து அதிகரித்துள்ளதால் காவிரியில் வெள்ளப்பெருக்கு ஏற்பட்டுள்ளது.

தற்போது ஒகேனக்கலுக்கு வினாடிக்கு 80 ஆயிரம் கன அடி தண்ணீர் வந்து கொண்டிருக்கிறது. அதனால், கரையோர பகுதிகள் வெள்ளத்தில் மூழ்கும் அபாயம் ஏற்பட்டுள்ளது.

வெள்ள எச்சரிக்கை

வெள்ள எச்சரிக்கை

தாழ்வான, மற்றும் கரையோரத்தில் வசிக்கும் மக்கள் பாதுகாப்பான இடங்களுக்கு செல்லுமாறு மாவட்ட நிர்வாகம் அறிவுறுத்தியுள்ளது. தொடர்ந்து தண்ணீரின் அளவு அதிகமாகி வருகிறது.

அதனால், அடிபெருக்கு தினத்தை கொண்டாட யாரும் ஒகேனக்கல் செல்ல வேண்டாம் எனவும் எச்சரிக்கை விடுக்கப்பட்டுள்ளது. பாதுகாப்பு பணியில் காவல்துறையினர் ஈடுபட்டு வருகின்றனர்.

அணை 120 அடி

அணை 120 அடி

தற்போது கூடுதலாக உபரி நீர் வெளியேற்றப்படுவதால் மேட்டூர் அணைக்கு வரும் நீரின் அளவு, 72 ஆயிரம் கனஅடியாக அதிகரித்துள்ளது. இதனால், முழுக் கொள்ளளவான 120 அடியை மேட்டூர் அணை இன்னும் ஒரிரு நாட்களில் எட்டும் என்று எதிர்பார்க்கப்படுகிறது.

16 கண் மதகு வழியாக...

16 கண் மதகு வழியாக...

அணை நிரம்பும் பட்சத்தில் 16‌ கண் மதகு வழியாக உபரி நீர் வெளியேற்றப்படுவது வழக்கம். இந்த நீர் கடலில் சென்று கலப்பதை தடுக்கும் வகையில் தண்ணீர் பாதையை மாற்றி அமைக்க வேண்டும் எனக் கோரிக்கை எழுந்துள்ளது.

2010ல் நிரம்பிய அணை

2010ல் நிரம்பிய அணை

கடந்த 2010ம் ஆண்டு டிசம்பர் 7ம் தேதி அணை முழு கொள்ளளவை எட்டியது. கடந்த 2 ஆண்டுகளாக பருவமழை சரியாக இல்லாத காரணத்தால் அணை முழு கொள்ளவை எட்டவில்லை. தற்போது ஆகஸ்ட் முதல்வாரத்திலேயே அணை நிரம்பிவிடும் என்று எதிர்பார்க்கப்படுகிறது.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
The Mettur Dam or Stanley Reservoir, will touch the Full Reservoir Level (FRL) of 120 feet in a couple of days.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more