பிரான்ஸ் ‘அனல் பலூன் சாகச விழா’: ஒரே நேரத்தில் 408 பலூன்கள் பறந்து உலக சாதனை

பாரிஸ்: பிரான்ஸ் நாட்டில் நடைபெறும் பலூன் விழாவில், 408 பலூன்கள் ஒரு சேரப் பறந்து புதிய சாதனை நிகழ்த்தப் பட்டுள்ளது.

பலூன்களை வைத்து விளையாடுபவர்கள் ஒரு ரகம் என்றால், பலூன்களோடு விளையாடிக் கொண்டே சாகசம் புரிபவர்கள் மற்றொரு ரகம். அப்படித்தான், பிரான்சில் நடந்த பலூன் திருவிழாவில் புதிய உலக சாதனை நிகழ்த்தப்பட்டுள்ளது.

அனல் பலூன் சாகசம்...

வருடந்தோறும் பிரான்ஸ் நாட்டின் மெட்ஸ் நகரில் ஆகஸ்ட் மாதத்தில் ‘அனல் பலூன்' ல் பறக்கும் சாகச விளையாட்டு விழா நடை பெறுவது வழக்கம்.

மீண்டும் தொடக்கம்...

ஆனால், பருவ நிலை மோசமாக இருந்ததால், கடந்த சில ஆண்டுகளாக நிறுத்தி வைக்கப் பட்டிருந்த இந்தப் போட்டி, இந்தாண்டு கடந்த சில தினங்களாக நடை பெற்றது.

சாகச நிகழ்ச்சி...

கிட்டத்தட்ட 4 லட்சம் மக்கள் பங்கேற்ற இந்த விழாவில், சுமார் 1,200 வீரர்கள் சாகசம் நிகழ்த்தினார்கள்.

கண்களுக்கு விருந்து...

983 பலூன்கள் வண்ண வண்ணமாக வானில் வலம் வந்து பார்வையாளர்களின் கண்களுக்கு விருந்தளித்தது.

புதிய உலக சாதனை...

விழாவின் ஒரு அம்சமாக தரையில் இருந்து ஒரே நேரத்தில் 391 பலூன்கள் வானம் நோக்கி எழுந்தது. இது புதிய உலக சாதனையாக அமைந்தது குறிப்பிடத்தக்கது.

இரு சாதனைகள்...

391 பலூன்கள் ஒரே நேரத்தில் எழும்பியதும், 408 பலூன்கள் வானில் தவழ்ந்ததும் என இரு சாதனைகள் ஒரே நேரத்தில் அரங்கேறி, பார்வையாளர்களை பரவசத்தில் ஆழ்த்தியது.

English summary

Two new world records were created during the Lorraine Mondial international hot air balloon festival at the Chambley-Bussieres Aerodrome in eastern France when 408 hot air balloons filled the sky at one time and 391 of them for takeoff in a line.