ஜம்மு காஷ்மீரில் ராணுவ தலைமை தளபதி- பலியான வீரர்களுக்கு மரியாதை!

ஸ்ரீநகர்: ஜம்மு காஷ்மீரில் பாகிஸ்தான் நடத்திய தாக்குதலில் பலியான 5 இந்திய ராணுவ வீரர்களுக்கு ராணுவ தலைமை தளபதி பிக்ரம்சிங் இன்று இறுதி மரியாதை செலுத்தினார்.

ஜம்மு காஷ்மீரின் பூஞ்ச் எல்லைக் கட்டுப்பாட்டுக் கோட்டுப் பகுதியில் பாகிஸ்தான் நடத்திய தாக்குதலில் 5 ராணுவ வீரர்கள் உயிரிழந்தனர். இது நாடு முழுவதும் அதிர்ச்சி அலைகளை ஏற்படுத்தியுள்ளது.

இதைத் தொடர்ந்து நேற்று மாலை மோசமான வானிலை இருந்த போதும் பூஞ்ச் அருகே உள்ள நக்ரோட்டா பகுதிக்கு ராணுவ தலைமை தளபதி சென்றடைந்தார். அங்கு வைக்கப்பட்டிருந்த 5 இந்திய ராணுவ வீரர்களின் உடல்களுக்கும் இறுதி மரியாதை செலுத்தினார்.

English summary

Army Chief General Bikram Singh paid tribute at Nagrota to the five soldiers killed by Pakistani troops and terrorists at the Line of Control (LoC) near Poonch. General Singh is scheduled to visit the area of the ambush later on Tuesday but is stuck at Nagrota due to bad weather.