காதலியின் 2 மாத குழந்தையை ஆன்லைனில் ரூ.6,000க்கு விற்க முயன்றவர் கைது
நியூயார்க்: அமெரிக்காவில் காதலியின் 2 மாத பெண் குழந்தையை இன்டர்நெட்டில் ரூ.6,077க்கு விற்க முயன்ற வாலிபர் கைது செய்யப்பட்டார்.
அமெரிக்காவின் நியூயார்க் நகரைச் சேர்ந்தவர் பால் மார்கெஸ்(22). அவருக்கு ஆன்லைனில் பழக்கமானவர் கேட்டி டெவால்ஸ். பால் கர்ப்பமாக இருந்த கேட்டியுடன் சில முறை டேட்டிங் செய்துள்ளார். இந்நிலையில் கேட்டிக்கு கடந்த 2 மாதங்களுக்கு முன்பு பெண் குழந்தை பிறந்தது.
இதையடுத்து கேட்டி குழந்தையுடன் அதிக நேரத்தை செலவிட்டார். இதனால் கடுப்பான பால் இன்டர்நெட்டில் குழந்தையை கேட்டியே விற்க விரும்புவது போன்று அதுவும் ரூ. 6,077க்கு விற்க விரும்புவதாக ஒரு விளம்பரத்தை கொடுத்தார். மேலும் தொடர்புக்கு கேட்டியின் செல்போன் எண்ணையும் கொடுத்தார்.
இந்த விளம்பரத்தை பார்த்து குழந்தையை வாங்க விரும்பிய ஒரு பெண் கேட்டியை தொடர்பு கொண்டபோது தான் அவருக்கு விஷயம் தெரிய வந்தது. இதையடுத்து அவர் இது குறித்து பால் மீது போலீசில் புகார் கொடுத்தார். அவரது புகாரின்பேரில் போலீசார் பாலை கைது செய்தனர்.
Click it and Unblock the Notifications
Sign in with Google