கின்னஸ் சாதனைக்காக 120 கிலோ ராட்சத இட்லி தயாரிப்பு

சென்னை: கின்னஸ் சாதனை புத்தகத்தில் இடம்பெற சென்னையைச் சேர்ந்த சமையல்காரர் ஒருவர் 120 கிலோ எடை கொண்ட இட்லி ஒன்றை தயாரித்துள்ளார்.

கொடுங்கையூர் எழில் நகரைச் சேர்ந்தவர் இனியவன்(42). சமையல் கலைஞர். திருமணம் உள்ளிட்ட நிகழ்ச்சிகளில் சமைப்பவர். அவருக்கு சமையல் மூலம் கின்னஸ் சாதனை புத்தகத்தில் இடம்பெற வேண்டும் என்ற ஆசை. தனது ஆசையை நிறைவேற்ற அவர் 100 கிலோ எடை கொண்ட இட்லியை செய்ய முடிவு செய்தார்.

கொடுங்கையூரில் நடந்த நிகழ்ச்சியில் அவர் மிகப்பெரிய இட்லியை தயாரித்து காட்டினார். எடைபோட்ட போது அந்த இட்லி 120 கிலோ 300 கிராம் இருந்தது. இந்த சாதனை கின்னஸ் புத்தகத்தில் இடம்பெற முயற்சி செய்யப்பட்டுள்ளது.

இது தவிர அவர் 100 விதமான இட்லியை தயாரித்து கண்காட்சியும் நடத்தினார். கீரை, பாதாம், சத்துமாவு, கேழ்வரகு, எள் என பலவகைப் பொருட்களால் தயாரிக்கப்பட்ட இட்லிகள் வட்டம், சதுரம், வீடு, நட்சத்திரம் போன்ற பல்வேறு வடிவங்களில் தயாரிக்கப்பட்டிருந்தன. மேலும் அனைத்துக் கட்சிகளின் சின்னங்களின் வடிவிலும் இட்லிகள் தயாரிக்கப்பட்டிருந்தன. கண்காட்சியில் தங்க பஸ்பம் இட்லியும் வைக்கப்பட்டிருந்தது.

English summary

Iniyavan, a Chennai based cook prepared a giant idli weighing 120 kg. He prepared this idli in order to enter the guinness book of world records.