ரூபாய் மதிப்பு வரலாறு காணா வீழ்ச்சி! மும்பை பங்குச் சந்தை 800 புள்ளிகள் சரிவு!!

By Mathi

Updated: Friday, August 16, 2013, 16:00 [IST]

Subscribe to Oneindia Tamil

மும்பை: மும்பை பங்குச் சந்தை இன்று மிகப் பெரும் சரிவை எதிர்கொண்டது. பிற்பகல் வர்த்தகத்தின் போது 700 புள்ளிகள் வரை சரிவை எதிர்கொண்டது.

அமெரிக்க டாலருக்கு இணையான இந்திய ரூபாயின் மதிப்பு தொடர்ந்தும் வீழ்ச்சி அடைந்து வருகிறது. இன்றைய வர்த்தகத்தில் டாலருக்கு இணையான இந்திய ரூபாயின் மதிப்பு 62 ஆக வரலாறு காணாத வீழ்ச்சியை சந்தித்தது.

இந்த வீழ்ச்சியானது பங்குச் சந்தைகளிலும் கடுமையாக எதிரொலித்தது. மும்பை பங்குச் சந்தை காலை முதலே சரிவில் இருந்த போதும் பிற்பகலில் 800 புள்ளிகள் வரை சரிந்து அதிர்ச்சியை ஏற்படுத்தியது.

இதனால் வங்கித் துறை பங்குகள் சரிவடைந்தன.

ரிலையன்ஸ் பங்குகள் 4.7%, ஹெச்.டி.எப்.சி பங்குகள் 5.8%, அளவிலும் சரிசை சந்தித்தன. மேலும் பேங்க் ஆப் பரோடா வங்கி பங்குகள் 8.2%, யெஸ் பேங்க் பங்குகள் 7.9%, ஆக்சிஸ் பேங்க் பங்குகள் 7.5% சரிவை எதிர்கொண்டன.

தேசிய பங்குச் சந்தையான நிஃப்டி 200 புள்ளிகள் வரை சரிந்தன.