For Quick Alerts
ALLOW NOTIFICATIONS  
For Daily Alerts
Just In
Oneindia App Download

ஆபாச படம்: 2 டி.வி. சேனல்களுக்கு ரு. 12.5 லட்சம் அபராதம் விதித்த பிசிசிசி

By Mayura Akilan
Google Oneindia Tamil News

டெல்லி: ஆபாச படங்களை தொடர்ந்து ஒளிபரப்பிய இரண்டு தனியார் டி.வி. சேனல்களுக்கு, இந்திய ஒளிபரப்பு ஒழுங்குமுறை ஆணையம் 12.5 லட்சம் ரூபாய் அபராதம் விதித்துள்ளது.

'பிக் சி.பி.எஸ்.லவ்', 'பிக் சி.பி.எஸ்.ஸ்பார்க்' என்ற இரண்டு தனியார் சேனல்கள் ஆபாச படங்களை தொடர்ந்து ஒளிபரப்பி வருவதாக மத்திய ஒளிபரப்பு அமைச்சகத்துக்கு புகார்கள் வந்தன.

இந்த புகார் குறித்து விசாரணை நடத்த மத்திய அமைச்சகம், ஒளிபரப்பு ஒழுங்குமுறை ஆணையத்துக்கு உத்தரவிட்டது. இதைத் தொடர்ந்து, இரண்டு சேனல்கள் ஒளிபரப்பும் நிகழ்ச்சிகளை கண்காணித்த ஆணைய அதிகாரிகள், ஆபாச காட்சிகளை கண்டு அதிர்ச்சியடைந்தனர்.

இந்த நிலையில், ஒழுங்குமுறை விதிகளை மீறி ஆபாச காட்சிகளை ஒளிபரப்பிய பிக் சி.பி.எஸ்.லவ் சேனலுக்கு ரூ. 10 லட்சமும், பிக் சி.பி.எஸ்.ஸ்பார்க் சேனலுக்கு இரண்டரை லட்சமும் அபராதம் விதித்து ஒளிபரப்பு ஒழுங்கு முறை ஆணையம் உத்தரவிட்டுள்ளது.

தொடர்ந்து ஒரு வாரத்துக்கு 2 சேனல்களும், ரசிகர்களிடம் மன்னிப்பு கேட்கும் வாசகத்தை ஒளிபரப்ப வேண்டும் என்றும் உத்தரவிடப்பட்டுள்ளது.

ஆபாச காட்சிகளை ஒளிபரப்பும் தனியார் டி.வி. சேனல்களுக்கு ரூ.30 லட்சம் வரை அபராதம் விதிக்கும் அதிகாரத்தை இந்திய ஒளிபரப்பாளர்கள் அமைப்பு, ஒளிபரப்பாளர்கள் ஒழுங்கு முறை ஆணையத்துக்கு கடந்த மாதம் 19 ஆம் தேதி வழங்கியது குறிப்பிடத்தக்கது.

English summary
In a first, TV industry's self regulatory body Broadcasting Content Complaints Council (BCCC) has slapped penalties on two channels for airing objectionable content. Officials said BCCC had issued two orders on Wednesday, imposing Rs 10 lakh fine on Big CBS love and Rs 2.5 lakh penalty on Big CBS Spark.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X