''சத்தியமா சொல்றேன்.. கேப்டன் 'மிதக்க' மாட்டார்...!''

திருக்கோவிலூர்: நான் பழகிய வரைக்கும், எங்களது கட்சித் தலைவர் விஜயகாந்த்துக்குக் குடிப்பழக்கமே கிடையாது. இதை சத்தியம் செய்து சொல்கிறேன் என்று கூறியுள்ளார் தேமுதிக எம்.எல்.ஏ வெங்கடேசன்.

திருக்கோவிலூர் எம்.எல்.ஏவான வெங்கடேசன் அங்கு நடந்த கட்சி நிகழ்ச்சியில் கலந்து கொண்டு பேசும்போது, விழுப்புரம் மாவட்டத்தில் 144 தடை உத்தரவு நீடிப்பு என்பது எதிர்க்கட்சிகளின் குரல்வளையை நெரிக்கின்ற செயல். இதனை தேமுதிக வன்மையாக கண்டிக்கிறது.

பொதுமக்கள் மத்தியில் விஜயகாந்துக்கு அவப்பெயர் ஏற்படுத்த வேண்டும் என்ற நோக்கில், ஆளுங்கட் சியைச் சேர்ந்தவர்களும், சில பத்திரிகைகளும் அவரைப்பற்றி உண்மைக்குப் புறம்பான செய்திகளை வெளியிடுகின்றார்கள்.

மாவட்டச் செயலர் என்ற முறையில் நெருங்கிப் பழக வாய்ப்பு கிடைத்ததாலும், பலநாள் அவரோடு தங்குவதற்கான சூழல் அமைந்ததாலும், சத்தியமாக நான் அறிந்த வகையில் அவருக்கு மது பழக்கம் கிடையாது என்றார் அவர்.

English summary

Thirukovilur DMDK MLA Venkatesan said that his party leader Vijayakanth is not a drunkard.