அரசு இணையத்தளத்தில் உயிரோடு இருக்கும் எம்.எல்.ஏ. 'லேட்' பட்டியலில் சேர்ப்பு

புவனேஸ்வர்: ஒடிஷா மாநில அரசின் இணையதளத்தில் உயிருடன் இருக்கும் எம்.எல்.ஏ. இறந்துவிட்டதாக குறிப்பிடப்பட்டிருந்தது.

ஒடிஷா மாநிலத்தில் ஆளும் பிஜு ஜனதாதள கட்சியின் சார்பில் ரான்பூர் தொகுதியில் இருந்து எம்.எல்.ஏ.வாக தேர்வு செய்யப்பட்டவர் சத்ய நாராயண் பிரதான். இந்நிலையில் ஒடிஷா அரசு இணையதளத்தில் உயிரோடு இருக்கும் பிரதானை மறைந்த எம்.எல்.ஏ. சத்ய நாராயண பிரதான் என்று குறிப்பிடப்பட்டிருந்தது.

இந்த தகவல் ஊடகங்களுக்கு தெரிய வந்த பிறகு அரசின் ஐடி பிரிவில் உள்ளவர்கள் அவசர அவசரமாக அந்த பிழையை மாற்றிவிட்டனர். தற்போது அவர் பெயருக்கு முன்னால் இருந்த மறைந்த என்ற வார்த்தை இல்லை.

English summary

Odisha MLA Satya Narayan Pradhan who is very much alive was declared as dead in the state government's official website. The mistake was corrected after the issue reached the media.