கூகுள் சர்வர் டெளன்..!: 40% விழுந்த இன்டர்நெட் டிராபிக்!!

By Mathi

Updated: Monday, August 19, 2013, 14:49 [IST]

Subscribe to Oneindia Tamil

டெல்லி: "உலகம் சுத்துறது ஒன்னும் நிக்கப் போறது இல்ல" என்று சொல்வது வழக்கம்.. ஆனால் இந்த உலகம் 5 நிமிடம் நின்று போனதே என்ற சந்தேகம் கூகுள் சேவை நின்று போனதன் மூலம் எழுந்துள்ளது.

கூகுள் நிறுவனத்தின் அனைத்து சேவைகளும் கடந்த சனிக்கிழமை அதிகாலை திடீரென சில நிமிடங்கள் செயல் இழந்தன. ஜிமெயிலை அல்லது கூகுளின் எந்த ஒரு சேவையையும் பயன்படுத்த நினைத்தவர்களுக்கு 502 எர்ரர்தான் பதிலாக கிடைத்திருக்கிறது.

இந்த செயலிழப்பு சுமார் 5 நிமிடம் நேரம் நீடித்திருக்கிறது. இதனால் கூகுள் மூலமாக பேஜ்வியூஸை கணக்கிடும் பல நிறுவனங்களுக்கும் கடுமையான சரிவாம்.

இதுபற்றி GoSquared என்ற இணையம்சார் ஆய்வு நிறுவனம் கூறுகையில், ஆகஸ்ட் 16-ந் தேதியன்று 5 நிமிடங்கள் கூகுள் இணைய தளம் நின்று போனது. இதனால் அந்த 5 நிமிடங்களுக்குமான GoSquared -ன் பார்வையாளர் எண்ணிக்கை பதிவாகவில்லை. சுமார் 40% பார்வையாளர் எண்ணிக்கையில் பாதிப்பு ஏற்பட்டிருக்கிறது என்று கூறியுள்ளது.

பின்னர் ஒருவழியாக கூகுள் நிறுவனத்தின் பொறியாளர்கள் சரி செய்திருக்கின்றனர்.