வெளிநாட்டு டிவிக்களுக்கு 36 % வரி

By Mayura Akilan

Updated: Tuesday, August 27, 2013, 16:46 [IST]

Subscribe to Oneindia Tamil

டெல்லி: வெளிநாடுகளில் இருந்து கொண்டு வரப்படும் எல்சிடி, எல்இடி, பிளாஸ்மா போன்ற டிவிக்களுக்கு 36 சதவீத இறக்குமதி வரி இன்றிலிருந்து அமலுக்கு வருகிறது.

வெளிநாட்டிலிருந்து கொண்டு வரப்படும் டிவிக்களுக்கு வரி இல்லை என்ற நிலையில் கடந்த ஆண்டு மட்டும் 10 லட்சம் டிவிக்கள் கொண்டு வரப்பட்டிருந்தன. இன்றிலிருந்து வரி விதிக்கப்படும் என்பதால் வெளிநாட்டு டிவி வரத்து வெகுவாக குறையும் என எதிர்பார்க்கப்படுகிறது.

ரூபாய் மதிப்பு வீழ்ச்சியை தடுக்கும் நடவடிக்கையின் ஒரு பகுதியாக இந்த நடவடிக்கையை அரசு எடுத்துள்ளது. டிவிக்களுக்கு வரி விதிக்கும் அரசின் முடிவு குறித்து வெளிநாட்டு வாழ் இந்தியர்கள் பலரும் கடும் அதிருப்தி தெரிவித்திருந்தனர். இதன் மூலம் கிடைக்கும் தொகையால் அரசுக்கு பெரிதாக எந்த லாபமும் கிடைக்காது என்று அவர்கள் தெரிவித்திருந்தனர். ஆனால் அரசின் இந்த முடிவுக்கு இந்திய டிவி உற்பத்தி நிறுவனங்கள் வரவேற்பு தெரிவித்துள்ளன.

இது தொடர்பான அறிவிப்பை கடந்த இரு வாரங்களுக்கு முன்பு வெளியாகியிருந்த நிலையில் இதற்கு பின் வெளிநாடுகளில் இருந்து இந்தியாவுக்கு டிவிக்கள் கொண்டு வருவது வழக்கத்தை விட அதிகரித்திருந்தது குறிப்பிடத்தக்கது.