ரம்யாவின் புது அவதாரம்.. நாட்டிலேயே இளம் எம்.பி.!

Published: Monday, August 26, 2013, 8:54 [IST]

Subscribe to Oneindia Tamil

பெங்களூர்: நாடாளுமன்றத்திலேயே மிகவும் வயதில் குறைந்த எம்.பி. என்ற பெருமையைப் பெற்றுள்ளார் நடிகை ரம்யா.

திவ்யா ஸ்பந்தனா என்ற இயற் பெயர் கொண்ட ரம்யா, மாண்டியா தொகுதியில் நடந்த இடைத் தேர்தலில் அபார வெற்றி பெற்று அனைவரையும் ஆச்சரியத்தில் ஆழ்த்தியுள்ளார்.

ரம்யாவின் இந்த அதிரடி வெற்றியால் அவரால் வீழ்த்தப்பட்ட மதச்சார்பற்ற ஜனதாதளம் கட்சியினர் பெரும் அதிர்ச்சியில் மூழ்கியுள்ளனர்.

எடுத்த எடுப்பிலேயே டாப் கியர்

நாடாளுமன்றத் தேர்தலில் ஒரு நடிகரோ, நடிகையோ வெல்வது என்பது புதிதல்ல என்றாலும் கூட ரம்யாவின் எழுச்சி ஆச்சரியத்துடன் பார்க்கப்படுகிறது.

30 வயதில்எம்.பி.

தற்போது ரம்யாவுக்கு 30 வயதாகிறது. இவர்தான் நாடாளுமன்றத்திலேயே மிகவும் இளமையான, அதாவது வயது குறைந்த எம்.பி. ஆவார்.

தாத்தா கிருஷ்ணா.. அமைச்சர் அம்பரீஷ்

மாண்டியா மாவட்ட காங்கிரஸுக்குள் கோஷ்டிப் பூசல் கொடி கட்டிப் பறந்து வருகிறது. எஸ்.எம்.கிருஷ்ணா ஒரு கோஷ்டி, நடிகரும், அமைச்சருமான அம்பரீஷ் இன்னொரு கோஷ்டி. இருவருக்கும் பொதுவான வேட்பாளராக நிறுத்தப்பட்டவர்தான் ரம்யா.

புது ரத்தம்

ரம்யாவுக்கு சீட் கொடுக்கப்பட்டபோது அதுகுறித்து கருத்து தெரிவித்த அம்பரீஷ், ரம்யாதான் நேச்சுரல் சாய்ஸ். புது ரத்தம் பாய்ச்சியுள்ளோம். ரம்யா மிகப் பெரிய வெற்றி பெற்று வரலாறு படைப்பார் என்று கூறியிருந்தார்.

9 மாதம் எம்.பி.

நடப்பு லோக்சபாவின் பதவிக்காலம் முடிவடைய இன்னும் 9 மாதங்களே உள்ளதால் 9 மாதத்திற்கு எம்.பியாக இருப்பார் ரம்யா.

2011ல் அரசியல் பிரவேசம்

2011ம் ஆண்டு காங்கிரஸில் இணைந்தார் ரம்யா. இளைஞர் காங்கிரஸ்தான் அவரது அடிப்படை.

திரைப்படத்திலும் கவனம்

அரசியலில் நுழைந்தாலும் கூட சினிமாவிலும் பிசியாகவே இருந்தார் ரம்யா.

கன்னடம் முதல் தமிழ் வரை

கன்னடம், தமிழ், தெலுங்கு என தென்னக மொழிகளில் நிறையப் படங்கள் நடித்துள்ளார் ரம்யா. கன்னட சினி்மாவின் தங்கப் பெண் என்ற செல்லப் பெயரும் அவருக்கு உண்டு.

எதிர்ப்பாளர்களின் அவதூறான, அநாகரீகமான பிரசாரத்தையும் மீறி ரம்யா வெற்றிக் கொடி நாட்டியிருப்பது, அதுவும் தேவெ கெளடா அன் கோவின் கோட்டைக்குள் புகுந்து விளையாடியிருப்பது கர்நாடக காங்கிரஸாரை குஷியில் ஆழ்த்தியுள்ளது.

Published On August 26, 2013