தங்கம் விலை சவரனுக்கு ரூ. 1,272 குறைந்தது!

சென்னை: தங்கத்தின் விலை இன்று சவரனுக்கு ரூ 1272 குறைந்தது. சவரன் ரூ 23088-க்கு விற்பனையாகிறது.

கடந்த மாதம் சவரன் ரூ.19 ஆயிரமாக இருந்தது. ஆனால் மீண்டும் விலை உயரத் தொடங்கியது. படிப்படியாக உயர்ந்து ஆகஸ்ட் மாத மத்தியில் ரூ 23 ஆயிரத்தைத் தாண்டியது.

கடந்த 24-ந்தேதி ரூ.24 ஆயிரத்தை தாண்டி ரூ.24,384 ஆக விற்பனையானது.

இந்த நிலையில் தங்கத்தின் விலை இன்று திடீர் என்று சரிந்துள்ளது. நேற்று ஒரு சவரன் ரூ.24,360-க்கும் ஒரு கிராம் ரூ.3045-க்கும் விற்றது.

இன்று ஒரு சவரன் ரூ.23,088 ஆக குறைந்தது. ஒரே நாளில் தங்கம் விலையில் ரூ.1272 சரிவு ஏற்பட்டுள்ளது. இன்று ஒரு கிராம் தங்கம் ரூ.2,886-க்கு விற்கப்படுகிறது.

இந்த விலை குறைவு குறித்து தங்க நகை வர்த்தகர் எல்கே சையத் கூறுகையில், "இது சர்வதேச விலை நிர்ணயம் அல்ல. உள்ளூர் மார்க்கெட் நிலவரத்தை வைத்து நாங்களே தங்கத்தின் விலையைக் குறைத்துள்ளோம்," என்றார்.

வெள்ளி விலை கிலோவுக்கு ரூ.1155 அதிகரித்துள்ளது. நேற்று ஒரு கிலோ வெள்ளி ரூ.55,630-க்கு விற்கப்பட்டது. இன்று ஒரு கிலோ வெள்ளி ரூ.56,785 ஆக உயர்ந்துள்ளது. ஒரு கிராம் வெள்ளி ரூ.60.80 ஆக விற்கப்படுகிறது.

English summary

Gold rate declined suddenly Rs 1272 per sovereign today in Chennai.