தம்பி துப்பாக்கியை இப்படிப் பிடி... இப்ப டுமீல்னு சுடு பார்ப்போம்... ஆப்கன் திகில்!

காபூல்: ஆப்கானிஸ்தானில் தலிபான் தீவிரவாதிகள் சிறுவர்களுக்கு துப்பாக்கியைப் பிடித்து சுடுவதற்கான பயிற்சி அளிக்கும் ஒரு பரபரப்பு வீடியோ பலத்த விவாதங்களை ஏற்படுத்தியுள்ளது.

கிட்டத்தட்ட போர்ப் பயிற்சி போல இந்த சிறார்களுக்கு துப்பாக்கிச் சுடும் பயிற்சியை அளிக்கிறார்கள் தலிபான்கள்.

சாதாரண துப்பாக்கி முதல் கனரக துப்பாக்கி வரை சிறார்களுக்குப் பயிற்சி அளிக்கப்படுவது பார்க்கவே படு திகிலாக இருக்கிறது.

புன்னகையுடன் ஒரு டுமீல்

இந்த வீடியோவில் பால் வடியும் முகம் கொண்ட ஒரு சிறுவன் சிரித்தபடி துப்பாக்கிப் பயிற்சி பெறுகிறான். அவனுக்கு ஒரு தலிபான் தீவிரவாதி, துப்பாக்கியைப் பிடிப்பது எப்படி, சுடுவது எப்படி என்று பயிற்சி தருகிறார்.

பிரசார வீடியோ

இது ஒரு பிரசார வீடியோவாகும். இதை அல் கொய்தா தீவிரவாதிகள் இணையதளத்தில் போட்டுள்ளனர்.

பெண்ணின் கையில் ராக்கெட்

அதேபோல ஒரு பெண் தனது கையில் ராக்கெட் மூலம் ஏவப்படும் கிரேனெடை வைத்திருக்கிறார். அதை ஒரு கார் மீது செலுத்தி வெடிக்க வைக்கிறார்.

5 வயதிலிருந்தே

5 வயதிலிருந்தே சிறார்களுக்கு இப்படி ஆயுதப் பயிற்சியை அளிக்கின்றனராம் தலிபான்கள்.

பாகிஸ்தான் எல்லையில்

பாகிஸ்தான், ஆப்கானிஸ்தான் எல்லையில் உள்ள வசிரிஸ்தானில்தான் இந்தப் பயிற்சி முகாம் உள்ளதாம்.

ஏ.கே. 47 துப்பாக்கியுடன் பயிற்சி

அதேபோல பள்ளிப் பருவத்தில் உள்ள பல சிறார்கள் வரிசையாக உட்கார்ந்தபடி ஏ.கே. 47 துப்பாக்கியை கையாளும் பயிற்சியில் ஈடுபடும் காட்சியும் இதில் வருகிறது. சுட்டபிறகு துப்பாக்கியின் விசை தாங்க முடியாமல் அவர்கள் பின்னோக்கி சிரித்தபடி சாய்கிறார்கள்.. பார்க்கவே படு பாவமாக இருக்கிறது.

பாதிப் பேர் தந்தையை இழந்தவர்கள்

இந்த சிறார்களில் பாதிப் பேரின் தந்தையர் ஏற்கனவே தலிபான் அமைப்பில் இடம் பெற்று மரணமடைந்தவர்களாம். தந்தை வழியில் இவர்களையும் தலிபான்கள், தீவிரவாதிகளாக்க பயிற்சி அளித்து வருகின்றனராம்.

English summary

A little boy laughs as a smiling adult helps him aim a semi-automatic pistol at a target, his first steps to becoming a terrorist hell-bent on war with the West. This horrific scene is played out in a propaganda video posted online by Al-Qaeda terrorists in strife-hit Afghanistan. The chilling footage, posted on Youtube, also shows a woman wearing a burkha aiming a rocket-propelled grenade and an exploding car.