புதிய ஆட்டோ கட்டண அட்டை இன்று முதல் விநியோகம்!

சென்னை: சென்னையில் புதிதாக அறிவிக்கப்பட்ட ஆட்டோ கட்டண விவரங்கள் அடங்கிய அட்டை, இன்று முதல் விநியோகம் செய்யப்பட்டு வருகிறது.

சென்னையில் புதிய ஆட்டோ கட்டணங்களை முதல்வர் ஜெயலலிதா சமீபத்தில் அறிவித்தார். இதன்படி திருத்தியமைக்கப்பட்ட புதிய ஆட்டோ கட்டண விவர அட்டைகள் இன்று வழங்கப்பட்டு வருகிறது.

சென்னையில் உள்ள 13 வட்டார போக்குவரத்து அலுவலகங்களில், புதிய ஆட்டோ கட்டண விவர அட்டைகள் ஒரு வார காலம் வழங்கப்படும் எனவும் தெரிவிக்கப்பட்டுள்ளது.

இந்த கட்டண விவர அட்டையை ஆட்டோவில் ஒட்டி வைக்கவும், தேவைப்பட்டால் வாடிக்கையாளர்களுக்கு கட்டண விவரத்தை தெரிவிக்கவும் வேண்டுமென்றும் அறிவுறுத்தப்பட்டுள்ளது.

அதையும் மீறி கூடுதல் கட்டணம் பெறும் ஆட்டோ ஓட்டுநர்கள் குறித்து புகார் அளிக்க தெற்கு மண்டல பயணிகள் 044-24749002 என்ற எண்ணிலும், வடக்கு மண்டல பயணிகள் 044-24744445 என்ற எண்ணிலும் தொடர்பு கொள்ளலாம் எனவும் போக்குவரத்துத்துறை தெரிவித்துள்ளது.

இதனிடையே, 'ரசீது அளிக்கும் புதிய மீட்டர் இயந்திரத்தை விரைவில் அளிக்க வேண்டும்' என்று ஆட்டோ உரிமையாளர்கள் மற்றும் ஓட்டுநர்கள் கோரிக்கை விடுத்துள்ளனர்.

English summary

Five of the 20 days given by chief minister J Jayalalithaa to auto rickshaw drivers to pick up rate cards from the respective RTOs have gone by but regional transport offices across the city still haven't got the cards.