அஸரம் பாபுவுக்கு 14 நாள் ஜெயில்...!

ஜோத்பூர்: 16 வயது சிறுமியை பாலியல் பலாத்காரம் செய்த வழக்கில் கைது செய்யப்பட்டுள்ள அஸரம் பாபுவை 14 நாள் சிறைக் காவலில் வைக்க ஜோத்பூர் கோர்ட் உத்தரவிட்டுள்ளது.

நேற்று முன்தினம் இரவு கைது செய்யப்பட்ட அஸரம் பாபு ஜோத்பூர் கோர்ட்டில் இன்று ஆஜர்படுத்தப்பட்டார். அவர் மீதான குற்றச்சாட்டுக்கு ஆதாரம் உள்ளதாக கோர்ட்டில் காவல்துறை சார்பில் தெரிவிக்கப்பட்டது. மேலும் அவருக்கு ஆண்மைப் பரிசோதனை செய்தது தொடர்பாகவும் தெரிவிக்கப்பட்டது.

இதையடுத்து செப்டம்பர் 15ம் தேதி வரை 14 நாள் சிறைக்காவலில் அவரை வைக்க கோர்ட் உத்தரவிட்டது.இதையடுத்து அவரை போலீஸார் பலத்த காவலுடன் சிறைக்குக் கொண்டு சென்றனர்.

English summary

Asaram Bapu, arrested on charges of sexually assaulting a school girl, was today sent to jail after the police claimed it had enough evidence against the spiritual leader. He has been sent to judicial custody till September 15.