ஆஸ்டின் 'கை'யைப் பிடிப்பாரா.. அல்லது 'சூரியனை'த் தொடுவாரா??

Published: Wednesday, September 4, 2013, 11:41 [IST]

Subscribe to Oneindia Tamil

சென்னை: தேமுதிகவிலிருந்து விலகி விட்ட முன்னாள் எம்.பி. ஆஸ்டின் எந்தக் கட்சியில் சேருவார் என்பதில் சின்ன குழப்பம் ஏற்பட்டுள்ளது - நமக்கல்ல ஆஸ்டினுக்குத்தான்.

ஒரு காலத்தில் அதிமுகவில் இருந்தவர் ஆஸ்டின். சமீபத்தில் தேமுதிகவிலிருந்து அவர் விலகினார்.

விலகியவுடன் அவர் வேறு எந்தக் கட்சியிலும் சேரவில்லை. காரணம், எந்தக் கட்சிக்குப் போவது என்பதில் பேச்சுவார்த்தை படியாததால் என்று கூறப்படுகிறது.

திருநாவுக்கரசரின் நண்பர்

முன்னாள் அமைச்சரும், முன்பு அதிமுகவில் இணைந்து பழகியவருமான திருநாவுக்கசரசின் நண்பர் ஆஸ்டின்.

ஒரு வேளை காங்கிரஸோ...

இதனால் ஆஸ்டின் ஒருவேளை காங்கிரஸில் இணையலாம் என்று எதிர்பார்க்கப்பட்டது. காரணம், திருநாவுக்கரசர் தற்போது காங்கிரஸில்தான் இருக்கிறார்.

கையை விடுங்க.. திமுக எப்படி...

ஒரு படத்தில் லெப்ட் சிக்னல் போட்டுட்டு ரைட்டிலும் திரும்பாமல் ஸ்டிரெய்ட்டாக போவோம்ல என்று விவேக் கூறுவது போல, காங்கிரஸில் சேரப் போவது போல அலிபி காட்டி விட்டு இப்போது திமுக பக்கம் பார்வையைத் திருப்பியுள்ளாராம் ஆஸ்டின்.