இவரு கண்ண உருட்டுனா... சந்திரமுகி ஜோதிகா தோத்தாங்கப்பா

Published: Wednesday, September 4, 2013, 13:13 [IST]

Subscribe to Oneindia Tamil

லிவர்பூல்: இங்கிலாந்தின் லிவர்பூலைச் சேர்ந்த ஜான் டோயில் பார்க்க பரம சாதுவாக, பன் ரொட்டி போலத்தான் இருக்கிறார். ஆனால் அவர் கண்களை உருட்ட ஆரம்பித்து விட்டால் பார்க்கவே பயங்கரமாக இருக்கிறார்.

எப்படி நம்ம ஊர் சிம்புவுக்கு விரல் வித்தையோ அதேபோல இந்த டோயிலுக்கு கண் வித்தை சாலப் பொருத்தமாக இருக்கிறது.

யூடியூபில் இவர் கண்களால் காட்டும் வித்தை குறித்த வீடியோதான் இப்போது பெரும் பரபரப்பாக ஓடிக் கொண்டிருக்கிறதாம்.

உலக சாதனை ஆசை...

உலக சாதனை புரியும் நோக்கில் இந்த கண் உருட்டல் வித்தையில் படு தீவிரமாக இறங்கியுள்ளார் டோயில்.

கண் வித்தகர்....

டோயிலின் இந்த கண் விளையாட்டுக்கு பல லட்சம் விசிறிகள் உள்ளனராம். இவரது வீடியோக்கள் இல்லாத இடமே இல்லை என்று கூறும் அளவுக்கு யூடியூப் நிரம்பி வழிகிறது.

ஜோதிகாவே தோத்துருவாங்க....

சந்திரமுகி ஜோதிகா போல இவர் கண்களை உருட்டியும், பிதுக்கியும், விழித்தும், கிட்டத்தட்ட வெளியில் வந்து விழுவது போலவும் செய்யும்போது பார்க்கவே மயிர்க்கூச்செறிகிறது.

5 லட்சம் பார்வையாளர்கள்....

இவரது வீடியோவை இதுவரை 5 லட்சத்திற்கும் மேற்பட்டோர் பார்த்துள்ளனர். அமெரிக்காவில் இவர் ஒரு டிவி ஷோவில் கலந்து கொண்டுள்ளார். அடுத்து ஜப்பானுக்கும் தனது உருட்டல் விளையாட்டைக் கொண்டு செல்லவுள்ளாராம்.

விளையாட்டாக ஆரம்பித்தது....

30 வயதாகும் டோயில் திருமணமானவர். ஒரு குழந்தையும் உள்ளது. இவரது வீட்டுக்கு அருகே உள்ள கோச் அன்ட் ஹார்ஸஸ் பப்புக்கு அடிக்கடி போவார். அங்குதான் முதலில் இந்த விளையாட்டை சாதாரணமாக செய்தார். அங்கு ரசிகர்கள் கூடவே சீரியஸாக இதைக் கடைப்பிடிக்க ஆரம்பித்து விட்டாராம்.

இன்னும் அங்கீகாரம் கிடைக்கவில்லை....

தனது கண் உருட்டல் விளையாட்டு உலக சாதனை என்று இவரே கூறி வருகிறார். ஆனால் இதுவரை கின்னஸ் உலக சாதனை நிறுவனம் இதை அங்கீகரிக்கவில்லை. காரணம், உரிய சாட்சிகளின்றி இவர் செய்வதாலாம்.