கருணாநிதி முன்னிலையில் தி.மு.க.வில் இணைகிறார் ஆஸ்டின்
நாகர்கோவிலைச் சேர்ந்த ஆஸ்டின் தேமுதிகவில் மாநில துணைச் செயலாளர் பதவியை வகித்து வந்தார். 2009-ல் லோக்சபா தேர்தலில் நாகர்கோவில் தொகுதியில் தேமுதிக சார்பில் போட்டியிட்டுத் தோற்றார். 2011-ல் பத்மநாபபுரம் சட்டசபை தொகுதியில் தேமுதிக சார்பில் போட்டியிட்டும் தோற்றார். தேமுதிகவில் ஏற்பட்ட உள்கட்சி பூசலால் கட்சிட்க் பணிகள் எதிலும் ஈடுபடாமல் விலகி இருந்து வந்த ஆஸ்டின் கடந்த சில தினங்களுக்கு முன்பு அக்கட்சியில் இருந்து விலகினார். இதையடுத்து, அடுத்தக்கட்ட நடவடிக்கை குறித்து தனது ஆதரவாளர்களுடன் ஆலோசனை நடத்தினார்.
அதில் பெரும்பாலானவர்கள் தி.மு.க.வில் சேர வலியுறுத்தினர். இதையடுத்து வரும் 6 ஆம் தேதி சென்னையில், தி.மு.க. தலைவர் கருணாநிதி முன்னிலையில் திமுகவில் இணைய முடிவெடுத்துள்ளார்.
இதுகுறித்து செய்தியாளர்களிடம் பேசிய ஆஸ்டின், ''வரும் 6ஆம் தேதி, சென்னையிலுள்ள தி.மு.க. தலைமை அலுவலகத்தில் வைத்து தலைவர் கருணாநிதி முன்னிலையில் எனது ஆதரவாளர்களுடன் தி.மு.க.வில் இணைய இருக்கிறேன். மேலும், விரைவில் தி.மு.க. பொருளாளர் மு.க.ஸ்டாலின் நாகர்கோவில் வரவிருக்கிறார். அப்போது பல்லாயிரக்கணக்கானவர்களுடன் தி.மு.க.வில் இணையும் விழாவை பிரமாண்டமாக நடத்தவும் திட்டமிட்டுள்ளேன்'' என்று கூறியுள்ளார்.
எம்.ஜி.ஆர் அதிமுகவை தொடங்கிய காலத்தில் அக்கட்சியில் இருந்தார் ஆஸ்டின். அவரது நெருங்கிய நண்பர் திருநாவுக்கரசர் அவர் வழியில் காங்கிரசில் இணையலாம் என எதிர்பார்க்கப்பட்டது. இந்த நிலையில் ஆஸ்டின் திமுகவில் இணையப்போவதாக அறிவித்துள்ளார்.
Click it and Unblock the Notifications
Sign in with Google