நான் தான் கிரோபோ...: விண்வெளியில் பேசிய முதல் மனித உருவ ரோபோட்

Updated: Thursday, September 5, 2013, 18:16 [IST]

Subscribe to Oneindia Tamil

டோக்கியோ: விண்வெளிக்கு அனுப்பப்பட்டுள்ள முதல் மனித உருவம் கொண்ட கிரோபோ என்ற ரோபோட், தனது முதல் வார்த்தையை விண்வெளியில் பதிவு செய்துள்ளது.

ஜப்பான் உருவாக்கிய ரோபோட் இது. இந்த ரோபோட் தற்போது தனது முதல் வார்த்தையை விண்வெளியில் பதிவு செய்து புதிய வரலாறு படைத்துள்ளது. இதுதான் விண்வெளியில் ஒலித்த முதல் ரோபோட் குரலாகும்.

வணக்கம் நண்பர்களே....

அகன்ற கண்களுடன் பெரிய சைசிலான கண்களைக் கொண்டது கிரோபோ ரோபோட். சர்வதேச விண்வெளி நிலையத்திலிருந்தபடி இந்த ரோபோட், பூமியில் வசிக்கும் மனிதர்களுக்கு வணக்கம் என்று தனது முதல் பேச்சில் தெரிவித்தது.

ஆம்ஸ்டிராங்க்கு அஞ்சலி....

மேலும் நிலவில் காலடி எடுத்து வைத்த முதல் மனிதரான நீல் ஆம்ஸ்டிராங்குக்கும் அது அஞ்சலி செலுத்தியது.

பிரகாசமான எதிர்காலம்....

கிரோபோவின் பேச்சு வீடியோ மூலம் ஒளிபரப்பு செய்யப்பட்டுள்ளது. அதில் மேலும் அது கூறுகையில், 2013ம் ஆண்டு ஆகஸ்ட் 21ம் தேதி ஒரு ரோபோட், புதிய பிரகாசமான எதிர்காலத்தை நோக்கி தனது காலடியை எடுத்து வைத்தது என்று தன்னைப் பற்றியும் கூறியுள்ளது.

நான் தான் கிராபோ...

ஜப்பான் மொழியில் அது முதலில் பேசத் தொடங்கியபோது, பூமியில் உள்ள அனைவருக்கும் குட்மார்னிங் . நான்தான் கிரோபோ. நான்தான் உலகின் முதல் விண்வெளி ரோபோட் வீரர் என்று ஆரம்பித்தது.