மோடி தமிழ்நாடு பயணம் LIVE: ராஜராஜனுக்கும், ராஜேந்திர சோழனுக்கும் பிரம்மாண்ட சிலை அமைக்கப்படும் - மோடி

கங்கை கொண்ட சோழபுரத்திற்கு வருகை தந்த பிரதமர் மோடி சோழபுரம் கோவிலில் சாமி தரிசனம் செய்தார். தொடர்ந்து ராஜேந்திர சோழனின் நினைவு நாணயத்தை பிரதமர் மோடி வெளியிட்டார். பின்னர் வணக்கம் சோழமண்டலம் என்று தமிழில் கூறி உரையை தொடங்கினார் மோடி. அப்போது பேசிய மோடி, தமிழகத்தில் ராஜராஜனுக்கும், ராஜேந்திர சோழனுக்கும் பிரம்மாண்ட சிலை அமைக்கப்படும் என்று பிரதமர் மோடி கூறினார்.

பிரதமர் மோடி இரண்டு நாள் பயணமாக நேற்று தமிழ்நாட்டிற்கு வந்திருந்தார். மாலத்தீவிலிருந்து தனி விமானம் மூலம் தூத்துக்குடி வந்த அவர், ரூ.4,800 கோடி மதிப்பிலான வளர்ச்சி திட்ட பணிகளுக்கு அடிக்கல் நாட்டியும், முடிவுற்ற திட்டப்பணிகளை நாட்டுக்கு அர்ப்பணித்தார். இதனையடுத்து தூத்துக்குடி விமான நிலையத்தில் புதியதாக கட்டப்பட்டிருந்த விரிவாக்கம் செய்யப்பட்ட பகுதியை பயன்பாட்டுக்கு திறந்து வைத்தார்.

பின்னர் அங்கிருந்து விமானம் மூலம் நேற்றிரவு திருச்சி வந்த அவர், தனியார் ஓட்டலில் ஒய்வெடுத்திருந்தார். இதனையடுத்து இன்று காலை திருச்சி விமான நிலையத்திலிருந்து ஹெலிகாப்டர் மூலம் 11.50 மணியளவில் அரியலூர் மாவட்டம் கங்கை கொண்ட சோழபுரம் வருகிறார். அங்கிருந்து சாலை மார்க்கமாக மக்களை சந்திக்கும் மோடி, பின்னர் கோயிலுக்கு செல்கிறார். பெருவுடையார் கோயிலின் வாசலில் பிரதமருக்கு பூரண கும்ப மரியாதை அளிக்கப்படுகிறது.

English summary

PM Modi's Gangaikonda Cholapuram Visit LIVE News Updates in Tamil: Get the latest LIVE updates on PM Modi’s visit to Gangaikonda Cholapuram in Tamil Nadu to celebrate Rajendra Chola's legacy. Stay tuned for exclusive coverage in Tamil at Oneindia Tamil