பெங்களூர் மக்களுக்கு ஷாக்.. அதிரடியாக உயர்ந்த மெட்ரோ ரயில் கட்டணம்.. பிப்.,9 முதல் அமல்.. முழு லிஸ்ட்

பெங்களூர்: பெங்களூரில் மெட்ரோ ரயில் டிக்கெட் கட்டணம் அதிரடியாக உயர்த்தப்பட்டுள்ளது. மொத்தம் 10 அடுக்குகளாக டிக்கெட் கட்டணம் அதிகரிக்கப்பட்டுள்ளது. இந்தியாவிலேயே மெட்ரோ ரயிலில் பெங்களூரில் தான் அதிக கட்டணம் உள்ள நிலையில் தற்போது மீண்டும் உயர்த்தப்பட்டுள்ளதால் பயணிகள் அதிர்ச்சியடைந்தள்ளனர். அதன் விவரம் வருமாறு:

பெங்களூரில் போக்குவரத்து நெரிசலில் சிக்காமல் பொதுமக்கள் விரைவாக பயணிக்க மெட்ரோ ரயில் சேவை பயன்பாட்டில் உள்ளது. பெங்களூர் நகரில் மொத்தம் 96.10 கிலோமீட்டர் தொலைவுக்கு 3 வழித்தடங்களில் மெட்ரோ ரயில் இயங்கி வருகிறது.

Photo Credit:

AI

அந்த வகையில் பெங்களூருவில் மாதவரா முதல் சில்க் போர்ட் வரை பச்சை வழித்தடத்திலும், ஒயிட்பீல்டில் இருந்து சல்லகட்டா வரை ப்ளூ வழித்தடத்திலும், ஆர்.வி.ரோட்டில் இருந்து பொம்மசந்திரா வரை மஞ்சள் வழித்தடத்திலும் மெட்ரோ ரயில் இயங்கி வருகிறது.

கட்டணம் அதிகரிப்பு

தினமும் லட்சக்கணக்கான மக்கள் இந்த மெட்ரோ ரயிலில் பயணித்து வருகின்றனர். இந்நிலையில் தான் பெங்களூர் மெட்ரோ ரயில் டிக்கெட் கட்டணம் அதிரடியாக உயர்த்தப்பட்டுள்ளது.

குறைந்தபட்சம் ரூ.1 முதல் அதிகபட்சமாக ரூ.5 வரை டிக்கெட் கட்டணம் உயர்த்தப்பட்டுள்ளது. இதன்மூலம் குறைந்தபட்ச டிக்கெட் கட்டணம் ரூ.10ல் இருந்து ரூ.11 ஆகவும், அதிகபட்ச டிக்கெட் கட்டணம் ரூ.90ல் இருந்து ரூ.95 ஆகவும் அதிகரித்துள்ளது.

பிப்., 9 முதல் அமல்

இந்த டிக்கெட் கட்டண உயர்வு வரும் 9ம் தேதி முதல் செயல்பாட்டுக்கு வர உள்ளது. மெட்ரோ ரயில் டிக்கெட் கட்டணத்தை உயர்த்துவதற்கு Fare Fixation Committee (FFC) செயல்பட்டு வருகிறது.

இந்த குழுவின் பரிந்ரையின் அடிப்படையில் டிக்கெட் கட்டணம் உயர்த்தப்பட்டுள்ளது. மொத்தம் 10 அடுக்குகளாக டிக்கெட் கட்டணம் உயர்ந்துள்ளது.

டிக்கெட் உயர்வு விவரம்

* அதன்படி 0-2 கிலோமீட்டர் தொலைவுக்கான டிக்கெட் கட்டணம் ரூ.10ல் இருந்து ரூ.11 ஆக அதிகரிக்கப்பட்டுள்ளது.
* 2 முதல் 4 கிலோமீட்டர் தொலைவுக்கான கட்டணம் ரூ.20ல் இருந்து ரூ.21 ஆக உயர்த்தப்பட்டுள்ளது.
* 4 முதல் 6 கிலோமீட்டர் தொலைவுக்கான கட்டணம் ரூ30ல் இருந்து ரூ.31 ஆக கூட்டப்பட்டுள்ளது.
* 6 முதல் 8 கிலோமீட்டர் தொலைவுக்கான கட்டணம் ரூ.40ல் இருந்து ரூ.42 ஆக அதிகரிக்கப்பட்டுள்ளது.

* 8 முதல் 10 கிலோமீட்டர் தொலைவுக்கான கட்டணம் ரூ.50ல் இருந்து ரூ.53 ஆக உயர்த்தப்பட்டுள்ளது
* 10 முதல் 15 கிலோமீட்டர் தொலைவுக்கான கட்டணம் ரூ.60 ல் இருந்து ரூ.63 ஆக அதிகரிக்கப்பட்டுள்ளது.

* 15 முதல் 20 கிலோமீட்டர் தொலைவுக்கான கட்டணம் ரூ.70ல் இருந்து ரூ.74 ஆக உயர்த்தப்பட்டுள்ளது.
* 20 முதல் 25 கிலோமீட்டர் தொலைவுக்கான கட்டணம் ரூ.80ல் இருந்து ரூ84 ஆக அதிகரிக்கப்பட்டுள்ளது.
* 25 கிலோமீட்டர் தொலைவுக்கும் மேலான பயணத்துக்கான கட்டணம் ரூ.90 ல் இருந்து ரூ.95 ஆக உயர்த்தப்பட்டுள்ளது.

எதிர்க்கட்சிகள் எதிர்ப்பு

பெங்களூர் மெட்ரோ ரயில் சேவையை எடுத்து கொண்டால் இந்தியாவிலேயே அதிக கட்டணம் உள்ள சேவையாகும். இப்படியான சூழலில் மீண்டும் கட்டணம் உயர்த்தப்பட்டுள்ளது என்பது பயணிகளுக்கு கூடுதல் செலவை ஏற்படுத்தும்.

இந்த கட்டண உயர்வுக்கு மாநிலத்தை ஆளும் காங்கிரஸ் அரசுக்கு, பாஜக, ஜேடிஎஸ் உள்ளிட்ட எதிர்க்கட்சிகள் கடும் எதிர்ப்பு தெரிவித்துள்ளன.

முதல்வர் பதிலடி

இதற்கு முதல்வர் சித்தராமையா, ‛‛பெங்களூர் மெட்ரோ ரயில் கட்டணத்தை மாநில அரசு நிர்ணயம் செய்வது இல்லை. அதற்கான கட்டணத்தை நிர்ணயம் செய்ய தனிக்குழு அமைக்கப்பட்டுள்ளது. அந்த குழுவின் பரிந்துரையில் தான் கட்டணம் உயர்த்தப்படுகிறது'' என்று பதிலடி கொடுத்துள்ளார்.

English summary

Bengaluru Metro Ticket Price Hike: BMRCL Metro train ticket fares have been drastically increased in Bengaluru. The ticket fares have been increased in a total of 10 slabs. The details are as follows: