கர்நாடகாவில் பறக்கிறது பாஜக கொடி.. காங்-மஜத கூட்டணி நிலை பரிதாபம்.. எக்ஸிட் போல் முடிவுகள்

பெங்களூர்: நமது பக்கத்து மாநிலமான கர்நாடகாவில் பாஜக அலை வீசுவதாகவே பெரும்பாலான எக்ஸிட் போல் முடிவுகள் தெரிவிக்கின்றன.

கர்நாடகாவின் பிரபல கன்னட செய்திச் சேனல்களான டிவி 9 மற்றும் சுவர்னா நியூஸ் ஆகியவை வெளியிட்டுள்ள எக்ஸிட் போல் முடிவுகள் இன்று மாலை வெளியாகின.

இதன்படி, மொத்தமுள்ள 28 தொகுதிகளில், 18 தொகுதிகளை பாஜக வெல்லும் என்றும், 9 தொகுதிகளை காங்கிரஸ்-மதசார்பற்ற ஜனதாதளம் கட்சி கூட்டணி வெல்லும் என்றும், டிவி9 தெரிவிக்கிறது. இதர கட்சிகள் பிரிவில் 1 தொகுதியில் வெல்லவாய்ப்புள்ளது என கூறுகிறது இந்த எக்ஸிட் போல்.

சுவர்ணா டிவி எக்ஸிட் போல் பொறுத்தளவில், பாஜக 18 முதல் 20 தொகுதிகளை வெல்லக் கூடுமாம். காங்கிரஸ்-மஜத கூட்டணி 7-10 தொகுதிகளையும், பிறர் 1 தொகுதியையும் வெல்ல கூடும்.

இந்த நிலையில், இந்தியா டுடே ஆங்கில செய்திச் சேனல் வெளியிட்டுள்ள கருத்துக் கணிப்பில், கர்நாடகாவில் பாஜக 21-25 தொகுதிகளை வென்று வாரிச் சுருட்டும் என கூறப்பட்டுள்ளது. காங்கிரஸ்-மஜத கூட்டணிக்கு 3-6 தொகுதிகள் மட்டுமே கிடைக்க கூடுமாம். பிற கட்சிகள் 1 தொகுதியை வெல்லக் கூடும் என்கிறது இந்த கருத்துக் கணிப்பு.

இதில், காங்கிரஸ் 2-3 தொகுதிகளிலும், மஜத மட்டும் 1-3 தொகுதிகளிலும் வெல்ல வாய்ப்புள்ளது என்றும் விளக்கமாக கூறுகிறது இந்தியா டுடே கருத்துக் கணிப்பு.

English summary

BJP seems to be sweeping in Karnataka, says India Today Exit polls and Kannada channel exit polls.