விஜய்யின் ‘ஜனநாயகன்’ திரைப்படம் கர்நாடகாவில் நிறுத்தம். காவிரி பிரச்சனையால் பதற்றம்
பெங்களூர்: தமிழகம் - கர்நாடகா இடையே மீண்டும் காவிரி பிரச்சனை வெடித்துள்ளது. இந்நிலையில் தான் முதல்வர் விஜய் நடிப்பில் வெளியான 'ஜனநாயகன்' திரைப்படம் கர்நாடகா திரையரங்குகளில் நிறுத்தப்பட்டுள்ளது. நாளுக்கு நாள் அரங்கேறும் செயல்களால் இருமாநிலங்களுக்கு இடையே பதற்றம் அதிகரித்துள்ளது.
அதன்படி கர்நாடகா மாநிலம் சாம்ராஜ்நகரில் உள்ள பசவேஸ்வரா தியேட்டரில் இன்று கரும்பு விவசாயிகள் போராட்டம் நடத்தினர். இதையடுத்து 'ஜனநாயகன்' திரைப்படம் இன்று ரத்து செய்யப்பட்டுள்ளது. திரைப்படம் ரத்து செய்யப்பட்டு இருப்பது தொடர்பாக திரையரங்கம் முன்பு அறிவிப்பு பலகை வைக்கப்பட்டுள்ளது.
அதேபோல் சென்னப்பட்டனாவில் உள்ள சிவானந்தா தியேட்டரில் ஜனநாயகன் திரைப்படத்தின் காட்சிகள் ரத்து செய்யப்பட்டன. கஸ்தூரி கர்நாடகா அமைப்பினர் நடத்திய போராட்டத்தையொட்டி இங்கு திரைப்படம் ரத்து செய்யப்பட்டது. அதேபோல் கர்நாடகாவின் பிற இடங்களிலும் ஜனநாயகன் திரைப்படத்துக்கு எதிராக போராட்டங்கள் வெடித்துள்ளதால் முன்னெச்சரிக்கையாக படங்கள் நிறுத்தப்பட்டுள்ளது.
Click it and Unblock the Notifications
Sign in with Google
