‛ஸ்கெட்ச்’.. முதல்வர் பசவராஜ் பொம்மையை எதிர்ப்பது யார் தெரியுமா?காங்கிரஸின் புது வேட்பாளர் பட்டியல்

பெங்களூர்: கர்நாடகா சட்டசபை தேர்தலுக்கான 5வது கட்ட வேட்பாளர் பட்டியலை காங்கிரஸ் கட்சி வெளியிட்டுள்ளது. இதில் ஹாவேரி மாவட்டம் சிக்கான் தொகுதியில் போட்டியிடும் முதல்வர் பசவராஜ் பொம்மையை எதிர்த்து போட்டியிடும் வேட்பாளரின் பெயர் அறிவிக்கப்பட்டுள்ளது.

கர்நாடகாவில் மொத்தம் 224 சட்டசபை தொகுதிகள் உள்ளன. கடந்த 2018 ம் ஆண்டு சட்டசபை தேர்தல் நடந்தது. இந்த சட்டசபையின் 5 ஆண்டு பதவிக்காலம் மே மாதம் 24ம் தேதியுடன் முடிவுக்கு வர உள்ளது. இதனால் தற்போது கர்நாடகா சட்டசபை தேர்தலுக்கான தேதியை இந்திய தேர்தல் ஆணையம் அறிவித்தது.

அதன்படி கர்நாடகா சட்டசபை தேர்தல் ஒரே கட்டமாக மே மாதம் 10ம் தேதி நடைபெற உள்ளது. தற்போது வேட்புமனுத்தாக்கல் தொடங்கி நடைபெற்று வருகிறது. நாளையுடன் வேட்பு மனுத்தாக்கல் நிறைவு பெறுகிறது. இந்நிலையில் தான் இன்று காங்கிரஸ் கட்சி சார்பில் 5வது கட்ட வேட்பாளர் பட்டியல் வெளியிடப்பட்டுள்ளது.

இதில் மொத்தம் 4 தொகுதிகளுக்கான வேட்பாளர்கள் அறிவிக்கப்பட்டுள்ளனர். அதன்படி பெங்களூர் புலிகேசி நகர் தொகுதி வேட்பாளராக ஏசி சீனிவாசா அறிவிக்கப்பட்டுள்ளார். பெங்களூர் கேஆர் புரா தொகுதி வேட்பாளராக டிகே மோகன் போட்டியிடுகிறார். மேலும் கோலார் மாவட்டம் முல்பாகல் தொகுதி வேட்பாளராக முத்துகங்காதரை காங்கிரஸ் கட்சி வேட்பாளராக அறிவித்துள்ளது.

அதோடு ஹாவேரி மாவட்டம் சிக்கான் தொகுதியில் காங்கிரசில் யாசீர் அகமது கான் பதான் போட்டியிடுவதாக காங்கிரஸ் தெரிவித்துள்ளது உள்ளது. இந்த சிக்கான் தொகுதி தான் முதல்வர் பசவராஜ் பொம்மை போட்டியிடும் தொகுதியாகும். இந்த தொகுதியில் பசவராஜ் பொம்மை 3 முறை போட்டியிட்டு வெற்றி பெற்றார். தற்போது 4வது முறையாக களமிறங்கி வெற்றி பெறும் முனைப்பில் உள்ளார்.

இந்நிலையில் தான் காங்கிரஸ் சார்பில் பசவராஜ் பொம்மையை எதிர்த்து முஸ்லிம் வேட்பாளராக யாசீர் அகமது கான் பதான் என்பவரை காங்கிரஸ் கட்சி களமிறக்கி இருக்கிறது என்பது குறிப்பிடத்தக்கது.

English summary

The Congress party has released the list of candidates for the 5th phase of the Karnataka assembly elections. In this, the name of the candidate who is contesting against Chief Minister Basavaraj Pomi who is contesting in shiggaon constituency of Haveri district has been announced.