"கமலா சதி".. பாஜகவின் அடுத்த ஆபரேஷன்.. லீக்கான ஆடியோ.. திரியை கொளுத்திய கர்நாடக காங்கிரஸ்.. என்னாச்சு

பாஜகவின் "ஆடியோ டேப்" ஒன்றை வெளியிட்டு, காங்கிரஸ் கொளுத்தி போட்டுள்ளது

Published: Monday, January 16, 2023, 18:09 [IST]

Subscribe to Oneindia Tamil

பெங்களூரு: பாஜகவின் "ஆடியோ டேப்" ஒன்றை வெளியிட்டு, காங்கிரஸ் கொளுத்தி போட்டுள்ளது, கர்நாடக சட்டசபையில் பெரும் பரபரப்பையும் சர்ச்சையையும் ஏற்படுத்தி கொண்டிருக்கிறது.. என்ன நடந்தது?

கர்நாடகாவில் முதல்வர் பசவராஜ் பொம்மை தலைமையில் பாஜக ஆட்சி நடைபெற்று வருகிறது. அதனால், ஆட்சியை தக்க வைக்க பாஜக களத்தில் குதித்துள்ளது..

அம்மாநிலத்தில் 224 உறுப்பினர்களை கொண்ட அம்மாநில சட்டப்பேரவைக்கு புதிய உறுப்பினர்களை தேர்ந்தெடுப்பதற்கான தேர்தல் விரைவில் நடைபெற உள்ளது. எனவே, கர்நாடக சட்டப்பேரவைக்கு வரும் மே மாதத்திற்கு முன்பாக தேர்தல் நடத்தப்பட வேண்டும் என்ற நிலை உள்ளது..

மாம்பழம்

அதனால், அங்குள்ள அரசியலில் தேர்தல் பரபரப்பு அதிகரித்துள்ளது. சட்டப்பேரவை தேர்தலை கருத்தில் கொண்டு பிரதான எதிர்க்கட்சியான காங்கிரஸ், மக்களின் குரல் என்ற பெயரில் தன்னுடைய தேர்தல் பிரச்சார யாத்திரையை தொடங்கியது.. கர்நாடக காங்கிரஸ் தலைவரான டி.கே.சிவகுமாரும், சட்டமன்ற எதிர்க்கட்சித் தலைவரான சித்தராமைய்யாவும் இணைந்து வரும் 29ம் தேதி வரை ஒரே பஸ்ஸில் பயணித்து இந்த பிரச்சார யாத்திரையை மேற்கொள்ள உள்ளனர். ஆளும் கட்சியான பாஜகவுக்கு எதிராகவும் குற்றப்பத்திரிகையை வெளியிடப்பட்டது.

டேப் ஆடியோ

அதேபோல, காங்கிரஸ் கட்சியின் தேர்தல் அறிக்கையில் இடம் பெற வேண்டிய அம்சங்களை மக்கள் தெரிவிக்கும் வகையிலான வெப்சைட் ஒன்றும் தொடங்கப்பட்டுள்ளது.. இப்படி பல வியூகங்களை கையில் எடுத்துள்ள நிலையில், காங்கிரஸ் முழு வீச்சில் தயாராகி வருகிறது. இந்த பரபரப்புக்கு நடுவில், ஒரு ஆடியோவை காங்கிரஸ் தரப்பு ரிலீஸ் செய்துள்ளது.. அதாவது, "மக்களின் ஆணையின்றி தன்னுடைய கட்சி மாநிலத்தில் ஆட்சியை தக்கவைக்கும்" என்று பாஜக மேலவை உறுப்பினர் சிபி யோகேஸ்வரா பேசியிருக்கிறாராம்.

ஆபரேஷன்

அவர் பேசியதாக சொல்லித்தான், அந்த ஆடியோ டேப் ஒன்றை காங்கிரஸ் வெளியிட்டுள்ளது... காங்கிரஸ் வெளியிட்டுள்ள இந்த ஆடியோவால் பெரும் சர்ச்சை வெடித்துள்ளது. அந்த ஆடியோவில், "பாஜக ஆட்சி அமைக்கும், ஆனால் மக்கள் ஆணையால் கிடையாது. பாஜகவுக்கு மக்கள் ஆணை கிடைக்காது.. ஆனால் கட்டாயமாக ஆட்சி அமைக்கும்... மரத்தில் இருக்கும்போது மாம்பழம் பழுக்க வைக்க முடியும், அதேவேளையில் ரசாயன முறையிலும் பழுக்க வைக்க முடியும்" என்று யோகேஸ்வரா சொல்வதுபோல் அந்த ஆடியோ இருக்கிறதாம்..

கமலா சதி

இதையே ஆதாரமாக கையில் எடுத்து கொண்டு, காங்கிரஸ் கோதாவில் குதித்துவிட்டது.. அதுமட்டுமல்ல, "இது பாஜகவின் மற்றொரு ஆப்ரேஷன் கமலா சதி" என்றும் பகிரங்கமாக குற்றம் சாட்டியுள்ளது. ஆனால், இந்த ஆடியோ டேப் குற்றச்சாட்டை பாஜக மேலவை உறுப்பினர் சி.பி. யோகேஸ்வரா திட்டவட்டமாக மறுத்துள்ளார். அந்த ஆடியோவில் பேசியது நான் கிடையாது என்று ஆவேசமாக சொல்லி வருகிறார்.. ஆனாலும், ஆடியோ டேப் வைரலாகி கொண்டிருக்கிறது.

Published On January 16, 2023