விஜி சித்தார்த்தா கடத்தப்பட்டாரா? சந்தேகத்தை கிளப்பும் காங்கிரஸ் எம்எல்ஏ டிகே சிவக்குமார்
பெங்களூர்: காபி டே நிறுவனர் சித்தார்த்தா கடத்தப்பட்டாரா என்பது தெரியவில்லை என காங்கிரஸ் எம்எல்ஏ டிகே சிவக்குமார் சந்தேகம் எழுப்பியுள்ளார்.
இந்தியாவின் 1700-க்கும் மேற்பட்ட கிளைகளை கொண்ட நிறுவனம் கஃபே காபி டே. இந்த நிறுவனம் காபித்தூளையும் விற்பனை செய்கிறது. இதன் நிறுவனர் விஜி சித்தார்த்தா.
இவர் நேற்று மாலை நேத்ராவதி ஆற்று பாலத்தில் உலவுவதற்காக சென்றார். அவர் சென்று நீண்ட நேரமாகியும் வராததால் கார் டிரைவர் அவரை தேடி சென்றுள்ளார். ஆனால் அவர் கிடைக்கவில்லை.
இதையடுத்து அவரது மகனுக்கு டிரைவர் போன் செய்து சித்தார்த்தா காணாமல் போனதையும் அவரது போன் ஸ்விட்ச் ஆப் ஆனதையும் தெரிவித்துள்ளார். அப்போது அவர் ஏதாவது பிஸியாக இருப்பார். அவராகவே திரும்ப அழைப்பார் என கூறியுள்ளார்.
எனினும் நீண்ட நேரமாகியும் சித்தார்த்தாவிடம் இருந்து எந்த தகவலும் இல்லை. இதுகுறித்து தகவலறிந்த தக்ஷின கன்னட போலீஸார் தேடி வருகின்றனர். இந்த நிலையில் எஸ் எம் கிருஷ்ணாவின் மருமகன் என்பதால் அவரை நேரில் சந்தித்து ஆறுதல் கூற காங்கிரஸ் எம்எல்ஏ வீட்டுக்கு வந்தார்.
அப்போது அவர் கூறுகையில் இந்த சம்பவம் குறித்து நம்புவதற்கு கடினமாக உள்ளது. விசாரணைக்கு கோரியுள்ளேன். அவர் இந்தநாட்டின் சொத்து. அவரது காணாமல் போய்விட்டாரா இல்லை கடத்தப்பட்டாரா என எங்களுக்கு தெரியவில்லை என்றார்.
Click it and Unblock the Notifications
Sign in with Google