ஒரு பென் டிரைவ் முழுக்க.. பல ஆயிரம் வீடியோக்கள்.. கதறிய பெண்கள்.. பாஜக கூட்டணியை காலி செய்த ரேவண்ணா

பெங்களூர்: கர்நாடகாவில் ஹசன் மாவட்டத்தில் பரவும் சில வீடியோக்கள் மற்றும் பென் டிரைவ்கள் மக்களிடையே கவனம் பெற்றுள்ளன. அந்த வீடியோக்கள் தொடர்பாக விசாரணை நடத்தப்படும் என்று கர்நாடக அரசு தெரிவித்துள்ளது. இது தொடர்பாக கூடுதல் கள தகவல்கள் கிடைத்துள்ளன.

கர்நாடகாவில் கடந்த வெள்ளிக்கிழமை தேர்தல் முடிந்த நிலையில் இரண்டாம் கட்ட தேர்தலுக்காக அந்த மாநிலம் தயாராகி வருகிறது. இந்த நிலையில்தான் கர்நாடகாவில் ஹசன் மாவட்டத்தில் சில வீடியோக்கள் டிரெண்டாக தொடங்கி உள்ளன.

அதன்படி பென் டிரைவ் ஒன்று மக்கள் இடையே பரவ தொடங்கி உள்ளது. அதேபோல் சில வீடியோக்களும் மக்களிடையே பரவ தொடங்கி உள்ளன. அந்த வீடியோக்களில் ஜேடிஎஸ் எனப்படும் மதசார்பற்ற ஜனதா தளம் கட்சியின் தேசிய தலைவர் எச் டி தேவகவுடாவின் பேரன் எம்பி ப்ரஜ்வால் ரேவண்ணா உள்ளார். அதன்படி அவர் பல பெண்களை கடுமையாக பாலியல் ரீதியாக துன்புறுத்தும் வீடியோக்கள் பதிவாகி இருக்கின்றன.

ப்ரஜ்வால் ரேவண்ணா மட்டுமல்லாமல் பல ஆண்கள் இந்த வீடியோக்களில் உள்ளனர். இதில் பல வீடியோக்களை ரேவண்ணாவே எடுத்துள்ளதாக விமர்சனங்கள் வைக்கப்பட்டு வருகின்றன. முக்கியமாக பெண்கள் பலரும் கதறும் வீடியோக்கள்,. பாலியல் ரீதியாக துன்புறுத்தலுக்கு உள்ளாகும் வீடியோக்கள் இதில் உள்ளதாக கூறப்படுகிறது.

1000 வீடியோக்கள்: பல ஆயிரம் வீடியோக்கள் இதில் உள்ளதாக கூறப்படுகிறது. அதில் ப்ரஜ்வால் ரேவண்ணா மூலம் பல ஆயிரம் பெண்கள் கடுமையாக துன்புறுத்தலுக்கு உள்ளானதாக கூறப்படுகிறது. முக்கியமாக இவர்கள் கடுமையாக பாலியல் ரீதியான துன்புறுத்தலுக்கு ஆளாகி இருக்கின்றனர்.

தமிழ்நாட்டில் பொள்ளாச்சி கொடூரத்தில் அதிமுகவினர் சிக்கி விமர்சனங்களுக்கு உள்ளானது போல அங்கே தற்போது மதசார்பற்ற ஜனதா தளம் சிக்கி உள்ளது. இதில் கவனிக்க வேண்டிய விஷயம் இது பாஜகவிற்கு எதிராகவும் திரும்பி உள்ளது.

பாஜகவினர் அதிர்ச்சி: ப்ரஜ்வால் ரேவண்ணாவே பதிவு செய்ததாகக் கூறப்படும் பல பெண்களைக் கொண்ட ஆயிரக்கணக்கான செக்ஸ் வீடியோக்கள் கொண்ட பென் டிரைவ் அந்த தொகுதியில் தேர்தலுக்கு முன்னதாகவே சுற்றிக் கொண்டிருந்தது குறிப்பிடத்தக்கது.

இதெல்லாம் தற்போது பாஜகவிற்கு பெரிய அளவில் எதிராக திரும்பி உள்ளது. பாஜகவிற்கு சிம்ம சொப்பனமாக இந்த வீடியோ மாறி உள்ளது. அதிலும் இரண்டு கட்சிகளும் கூட்டணியில் உள்ளன என்பதால் பாஜகவை பலரும் கேள்வி எழுப்பி உள்ளனர்.

இந்தியாவிலேயே மிகப்பெரிய செக்ஸ் ஸ்கேண்டல் ஆக இந்த சம்பவம் மாறி உள்ளது. ப்ரஜ்வால் ரேவண்ணா இந்த விவகாரத்தில் கைது செய்யப்படலாம் என்று கூறப்படுகிறது. இவருக்கு எதிராக தனி எஸ்ஐடி விசாரணை நடத்தப்பட உள்ளது. இதற்கான உத்தரவை கர்நாடக முதல்வர் சித்தராமையா நேற்று உத்தரவிட்டார்.

இந்த நிலையில் ப்ரஜ்வால் ரேவண்ணா ஏற்கனவே வெளிநாட்டிற்கு தப்பி ஓடிவிட்டார் என்று கூறப்படுகிறது. தேர்தலுக்கு முன் இவரை கைது செய்ய முடியவில்லை. அம்மாநில உள்ளூர் செய்தி சேனல்களின்படி 2700க்கும் மேற்பட்ட வீடியோ கிளிப்புகள் மக்கள் இடையே பரவி உள்ளன. 300 பேர் ரேவண்ணா மூலம் பாதிக்கப்பட்டுள்ளதாக கூறப்படுகிறது.

அம்மாநிலத்தில் இரண்டாம் கட்ட தேர்தல் நடக்கும் சிக்கோடி, பெல்காம், பாகல்கோட், பிஜாப்பூர், குல்பர்கா, ராய்ச்சூர், பிதார், கொப்பல், பெல்லாரி, ஹாவேரி, தார்வாட், உத்தர கன்னடா, தாவணகெரே, ஷிமோகா தொகுதிகளில் இந்த வீடியோ மிகப்பெரிய அளவில் அரசியல் ரீதியான பிரச்சனைகளை பாஜக கூட்டணிக்கு ஏற்படுத்தும் என்று கூறப்படுகிறது.

English summary

How a Single pen drive with thousands of women videos against Revenna change BJP prospects in Karnataka?