ராகுல்காந்திக்கு வாழ்நாள் முழுவதும் திருமணம் ஆகாது.. பாஜக தலைவர் சர்ச்சை கருத்து

பெங்களூர்: காங்கிரஸ் தலைவர் ராகுல்காந்திக்கு வாழ்நாள் முழுவதும் திருமணம் ஆகாது என பாஜக தலைவர் ஈஸ்வரப்பா சர்ச்சைக்குரிய கருத்தை தெரிவித்துள்ளார்.

கர்நாடகத்தில் காங்கிரஸ் கட்சி ஆதரவுடன் குமாரசாமியின் மஜத ஆட்சி நடத்தி வருகிறது. இக்கட்சியின் தலைவர் குமாரசாமி முதல்வராகவும் காங்கிரஸ் கட்சியின் மூத்த தலைவர் பரமேஸ்வரா துணை முதல்வராகவும் பதவி வகித்து வருகின்றனர்.

இந்த ஆட்சியை கலைக்க பாஜக வெளிப்படையாக பல்வேறு முயற்சிகளை செய்து வருகின்றன. இதற்கு அந்த மாநிலத்தின் முன்னாள் முதல்வர் சித்தராமையா கடும் எதிர்ப்பு தெரிவித்துள்ளார்.

வகுப்புவாத அரசியல் செய்வதாக பாஜகவை சித்தராமையா குற்றம்சாட்டினார். இந்த நிலையில் தங்களது முதல்வர் சித்தராமையா என காங்கிரஸ் கட்சியினர் பேசி வருவதை குமாரசாமி வெளிப்படையாக கூறி வருந்தினார்.

இந்த நிலையில் கர்நாடக மாநில பாஜக தலைவர் ஈஸ்வரப்பா கூறுகையில் காங்கிரஸ் தலைவர் ராகுல்காந்திக்கு தனது வாழ்நாளில் திருமணமே நடக்காது. அதுபோல் சித்தராமையாவும் மீண்டும் முதல்வராக மாட்டார் என கூறினார். ராகுல் குறித்து ஈஸ்வரப்பா கூறிய கருத்து பெரும் சர்ச்சையை கிளப்பியுள்ளது.

English summary

Karnataka BJP Leader K.S. Eshwarappa says that Rahul Gandhi never gets married in his lifetime. As well as Siddaramaiah never become CM of Karnataka again.