மரத்தில் இருக்கும் “மங்கி”.. வெளியே போ “சங்கி”.. டிரெண்டாகும் கர்நாடக காங்கிரசார் கொண்டாட்ட வீடியோ
பெங்களூரு: கர்நாடக மாநில சட்டசபைத் தேர்தலில் பாஜகவை வீழ்த்தி காங்கிரஸ் கட்சி பெரும் வெற்றியை பெற்று இருக்கும் நிலையில், கர்நாடகாவில் உள்ள காங்கிரஸ் வார் ரூமில் "வெளிய போடா சங்கி" என்று முழக்கமிட்டு ஆடி பாடி கொண்டாடும் வீடியோ டிரெண்டாகி வருகிறது.
கடந்த மே 10 ஆம் தேதி நடைபெற்ற கர்நாடக மாநில சட்டமன்றத் தேர்தலுக்கான வாக்குகள் இன்று எண்ணப்பட்டு முடிவுகள் அறிவிக்கப்பட்டு வருகின்றன. இதில் ஆளும் பாஜகவை வீழ்த்தி காங்கிரஸ் அம்மாநிலத்தில் ஆட்சியை பிடிப்பது உறுதியாகி இருக்கிறது.
இதுவரை வெளியான முடிவுகளின்படி காங்கிரஸ் பெரும்பான்மைக்கு தேவையான தொகுதிகளை விட அதிகமாக 136 தொகுதிகளில் முன்னிலை வகித்து வருகிறது. ஆளும் பாரதிய ஜனதா கட்சி வெறும் 64 இடங்களில் முன்னிலையில் இருந்து வருகிறது. மதசார்பற்ற ஜனதா தளம் கட்சி 20 தொகுதிகளிலும், இதர வேட்பாளர்கள் 4 தொகுதிகளிலும் முன்னிலையில் உள்ளனர்.
இந்த நிலையில் தேர்தல் வெற்றியை காங்கிரஸ் கட்சியினர் மற்றும் பாஜக எதிர்ப்பாளர்கள் உற்சாகமாக கொண்டாடி வருகிறார்கள். இந்த நிலையில் கர்நாடக மாநில சட்டசபைத் தேர்தலை முன்னிட்டு காங்கிரஸ் கட்சி சார்பில் உருவாக்கப்பட்ட வார் ரூமில் பணிபுரிபவர்கள், அலுவலகத்தில் உற்சாகமாக கொண்டாடி வருகின்றன.
காங்கிரஸ் கொடியுடன் ஆடி பாடி கொண்டாட்டத்தில் ஈடுபட்டு வரும் வீடியோ டிரெண்டாகி வருகிறது. அதில் "மரத்தில் இருக்கும் மங்கி.. வெளியே போ சங்கி" என்று முழக்கமிட்டு கொண்டாடி வருகிறார்கள். இந்த கொண்டாட்ட வீடியோ சமூக வலைதளங்களில் அதிகளவில் பகிரப்பட்டு வருகிறது.
வெளிய போங்கடா சங்கி pic.twitter.com/wYadUerByU
— Gowtham (@Gowthamsuju) May 13, 2023
அந்த வீடியோவில் தமிழ்நாட்டை சேர்ந்த காங்கிரஸ் உறுப்பினரும், ஓய்வுபெற்ற ஐஏஎஸ் அதிகாரியும் காணப்படுகிறார். அவரும் இந்த கொண்டாட்டத்தை வீடியோவாக சிரித்துக்கொண்டே பதிவு செய்து வருகிறார். ஐஏஎஸ் பதவியில் இருந்து விருப்ப ஓய்வுபெற்று காங்கிரஸில் இணைந்த சசிகாந்த் செந்தில் கடந்த ஆண்டு கர்நாடக தேர்தலுக்கான காங்கிரஸ் வார் ரூம் பொறுப்பாளராக நியமிக்கப்பட்டார்.
அதன் தொடர்ச்சியாக பல்வேறு வியூகங்களை வகுத்து சமூக வலைதளங்களில் மத்திய, மாநில பாஜக அரசுகளுக்கு எதிரான விமர்சனங்களை மக்கள் மத்தியில் கொண்டு செல்ல காரணமாக அமைந்தார். அவரது ஓராண்டுகால உழைப்புக்கு இன்று பயன் கிடைத்து உள்ளது.
Click it and Unblock the Notifications
Sign in with Google