கர்நாடகாவில் காங்கிரஸ் ஆட்சியா? தொங்கு சட்டசபையா? குழப்பும் தேர்தலுக்கு பிந்தைய கருத்துக்கணிப்புகள்

பெங்களூரு: கர்நாடக மாநிலத்தில் நடைபெற்ற சட்டசபை தேர்தலில் காங்கிரஸ் கட்சி ஆட்சி அமைக்கும் என தேர்தலுக்கு பிந்தைய கருத்துக்கணிப்புகள் வெளியாகியுள்ளன. தனியார் தொலைக்காட்சி நிறுவனங்கள் நடத்திய பல கருத்துக்கணிப்பு முடிவுகளும் காங்கிரஸ் கட்சி ஆட்சி அமைக்கும் என தெரிவித்துள்ளது. சில டிவி சேனல்கள் நடத்திய கருத்துக்கணிப்பில் யாருக்கும் மெஜாரிட்டி கிடைக்காமல் தொங்கு சட்டசபை அமையும் என தெரிவிக்கப்பட்டுள்ளது.

கர்நாடகாவில் 224 சட்டசபை தொகுதிகளுக்கும் ஒரே கட்டமாக இன்று காலை 7 மணிக்கு வாக்குப் பதிவு தொடங்கி மாலை 6 மணிவரை விறுவிறுப்பாக நடைபெற்றது. மாலை 5 மணி நிலவரப்படி கர்நாடகாவில் மொத்தம் 65% வாக்குகள் பதிவாகின.

கர்நாடகா சட்டசபை பதவி காலம் மே 24ஆம் தேதியுடன் முடிவடைகிறது. தேர்தலில் பதிவான வாக்குகள் மே 13ஆம் தேதி எண்ணப்பட்டு முடிவுகள் அறிவிக்கப்படும் என்று தலைமை தேர்தல் ஆணையர் ராஜீவ் குமார் தெரிவித்துள்ளார். 224 தொகுதிகள் உள்ள கர்நாடக சட்டசபையில் ஆட்சி அமைக்க 113 இடங்களில் வெற்றிபெற வேண்டும்.கடந்த 2018ம் ஆண்டு கர்நாடகாவில் தொங்கு சட்டசபை உருவான நிலையில் எடியூரப்பா 6 நாட்கள் மட்டுமே ஆட்சி அமைத்தார்.

அதன்பின் ஜேடிஎஸ் - காங்கிரஸ் கூட்டணி அமைத்து 37 இடங்களில் மட்டுமே வெற்றி பெற்ற குமாரசாமி முதல்வராக பதவியேற்று ஆட்சி அமைத்தார். ஒன்றரை வருட ஆட்சி ஆபரேஷன் கமலா காரணமாக கவிழ்ந்தது.

இதனையடுத்து மீண்டும் பாஜக ஆட்சிக்கு வந்தது. எடியூரப்பா மீண்டும் ஆட்சி அமைத்த நிலையில், அதன்பின் பசவராஜ் பொம்மை முதல்வராக தேர்வு செய்யப்பட்டார். இந்த நிலையில் சட்டசபை தேர்தல் விறுவிறுப்பாக நடைபெற்றுள்ளது. கர்நாடகாவில் தேர்தலுக்கு முந்தைய கருத்து கணிப்புகளில் மீண்டும் பாஜக ஆட்சி அமைக்கும், காங்கிரஸ் ஆட்சியை பிடிக்கும், தொங்கு சட்டசபைக்கு சாத்தியம் என தெரிவிக்கப்பட்டிருந்தன

தேர்தலுக்கு பிந்தைய கருத்துக்கணிப்புகள் வெளியாகியுள்ளன. பீப்பிள்ஸ் பல்ஸ் வெளியிட்டுள்ள கருத்துக்கணிப்பின் படி காங்கிரஸ் கட்சி 107 முதல் 119 இடங்களில் வென்று மெஜாரிட்டியுடன் ஆட்சி அமைக்கும் என தெரிவிக்கப்பட்டுள்ளது. பாஜக 78 முதல் 90 இடங்களில் வெல்லும் எனவும் ஜேடிஎஸ் கட்சிக்கு 23 முதல் 29 இடங்கள் கிடைக்க வாய்ப்பு உள்ளதாகவும் தேர்தலுக்கு பிந்தைய கருத்துக்கணிப்பில் தெரிவிக்கப்பட்டுள்ளது.

ஜி நியூஸ் வெளியிட்டுள்ள கருத்துக்கணிப்பு:

காங்கிரஸ் 103-118
பாஜக 79-94
ஜேடிஎஸ் 25-33

ரிபப்ளிக் டிவி பி மார்க் வெளியிட்டுள்ள கருத்துக்கணிப்பு:

காங்கிரஸ் 94-108
பாஜக 85-100
ஜேடிஎஸ் 24-38

சிவோட்டர் நிறுவனம் வெளியிட்டுள்ள கருத்துக்கணிப்பு:

காங்கிரஸ் 100-112
பாஜக 83-95
ஜேடிஎஸ் 21-29

நியூஸ் நேஷன் வெளியிட்டுள்ள கருத்துக்கணிப்பு:

காங்கிரஸ் 86
பாஜக 114
ஜேடிஎஸ் 21

என தேர்தலுக்கு பிந்தைய கருத்துக்கணிப்பு முடிவுகளில் தெரிவிக்கப்பட்டுள்ளது. வரும் 13ஆம் தேதி ஆட்சி அமைக்கப்போவது யார் என்று உண்மை நிலவரம் தெரிய வரும்.

English summary

Karnataka Election 2023 ABP C Voter Exit Poll Results (கர்நாடக தேர்தல் ஏபிபி சி வோட்டர் கருத்துக்கணிப்பு முடிவுகள்): கர்நாடக தேர்தல் ஏபிபி சி வோட்டர் கருத்துக்கணிப்பு முடிவுகள்""கர்நாடக தேர்தல் ஏபிபி சி வோட்டர் எக்ஸிட் போல் முடிவுகள். Post-election polls have revealed that the Congress party will form the government in the assembly elections held in Karnataka. The results of several polls conducted by private television companies have also indicated that the Congress party will form the government. In the polls conducted by some TV channels, it has been reported that no one will get a majority and there will be a hung assembly.