முஸ்லிம் இடஒதுக்கீடு ரத்து.. கர்நாடக அரசுக்கு ஆதரவா? எதிர்ப்பா? 50/50 ரிசல்ட் -கருத்துக்கணிப்பு

பெங்களூரு: இந்த மாதம் கர்நாடக சட்டசபைத் தேர்தல் நடைபெற இருக்கும் சூழலில் அங்கு அம்மாநில பாஜக அரசு சமீபத்தில் கொண்டு வந்து நீதிமன்றத்தால் நிறுத்தி வைக்கப்பட்ட முஸ்லிம் இடஒதுக்கீடு ரத்து விவகாரம் மக்கள் மத்தியில் ஏற்படுத்திய தாக்கம் குறித்து என் டிடிவி கருத்துக்கணிப்பில் தெரியவந்து உள்ளது.

பசவராஜ் பொம்மை தலைமையிலான கர்நாடக மாநில பாஜக அரசின் ஆட்சி காலம் இந்த மாதத்துடன் நிறைவடைய உள்ளது. இந்த நிலையில் தேர்தல் ஆணையம் வரும் கர்நாடக தேர்தல் வாக்குப்பதிவு மே 10 ஆம் தேதி நடைபெற உள்ளது. அதை தொடர்ந்து மே 13 ஆம் தேதி வாக்குகள் எண்ணப்பட்டு முடிவுகள் அறிவிக்கப்பட உள்ளன.

பல்வேறு ஊடகங்கள் இது தொடர்பாக வெளியிட்டு இருக்கும் கருத்துக்கணிப்பு முடிவுகளின்படி காங்கிரஸ் கட்சி பெரும்பான்மை பலத்தை பெற்று ஆட்சி அமைக்கும் என்றே தெரிவிக்கின்றன. இந்த நிலையில் இன்று என்டிடிவி - சிஎஸ்டிஎஸ் இணைந்து கர்நாடக மாநில தேர்தல் கருத்துக்கணிப்பை நடத்தி உள்ளன.

ஏப்ரல் 20 ஆம் தேதி முதல் ஏப்ரல் 28 ஆம் தேதி வரை இந்த கருத்துக்கணிப்பு நடத்தப்பட்டன. இதில் பல்வேறு கேள்விகள் கேட்கப்பட்டு முடிவுகள் வெளியிடப்பட்டு உள்ளன. இதில் சமீபத்தில் கர்நாடக மாநில அரசால் மாற்றப்பட்ட இடஒதுக்கீடு சதவீதம், இஸ்லாமியர் இடஒதுக்கீடு நீக்கம் குறித்து மக்களிடம் கேள்வி எழுப்பப்பட்டு இருக்கிறது.

இதில் 33 சதவீதம் பேருக்கு மட்டுமே இடஒதுக்கீடு விகிதம் மாற்றப்பட்டது தெரிந்து உள்ளது. இதில் பழங்குடியினர் விகிதம் உயர்த்தப்பட்டதற்கு 26 சதவீதம் பேர் முழு ஆதரவையும், 41 சதவீதம் பேர் லேசான ஆதரவையும், 18 சதவீதம் பேர் லேசான எதிர்ப்பையும், 13 பேர் முழு எதிர்ப்பையும் தெரிவித்து உள்ளார்கள். பட்டியலின இடஒதுக்கீ விகிதம் உயர்த்தப்பட்டதற்கு 27 சதவீதம் பேர் முழு ஆதரவையும், 40 சதவீதம் பேர் லேசான ஆதரவையும், 17 சதவீதம் பேர் லேசான எதிர்ப்பையும், 14 பேர் முழு எதிர்ப்பையும் தெரிவித்து உள்ளார்கள்.

புதிய லிங்காயத்து கோட்டாவுக்கு 28 சதவீதம் பேர் முழு ஆதரவையும், 45 சதவீதம் பேர் லேசான ஆதரவையும், 12 சதவீதம் பேர் லேசான எதிர்ப்பையும், 13 பேர் முழு எதிர்ப்பையும் தெரிவித்து உள்ளார்கள். புதிய வொக்காலிகா கோட்டாவுக்கு 27 சதவீதம் பேர் முழு ஆதரவையும், 37 சதவீதம் பேர் லேசான ஆதரவையும், 20 சதவீதம் பேர் லேசான எதிர்ப்பையும், 13 பேர் முழு எதிர்ப்பையும் தெரிவித்து உள்ளார்கள்.

இஸ்லாமியர் இடஒதுக்கீடு ரத்து செய்யப்பட்டதற்கு 23 சதவீதம் பேர் முழு ஆதரவையும், 25 சதவீதம் பேர் லேசான ஆதரவையும், 23 சதவீதம் பேர் லேசான எதிர்ப்பையும், 35 பேர் முழு எதிர்ப்பையும் தெரிவித்து இருக்கின்றனர். இதில் பாஜக ஆதரவாளர்கள் அனைத்துக்கும் முழு ஆதரவையும் காங்கிரஸ் கட்சியினர் முழு எதிர்ப்பையும் பதிவு செய்து உள்ளனர்.

English summary

In the context of the Karnataka assembly elections this month, the effect of the cancellation of Muslims reservation, which was brought by the BJP government in the state and temporarily banned by the court, has been revealed in a poll by N DTV.