ஆபாசம்.. அருவெறுப்பு.. கில் தங்கையை கூட விட்டுவைக்காத ரசிகர்கள்! என்ன கொடுமை இது? கோலிக்கு தெரியுமா?

பெங்களூர்: நேற்று பெங்களூர் அணியை வீழ்த்தி குஜராத் அணி வென்றது. பெங்களூர் அணியின் வெளியேற்றத்திற்கு காரணமாக அமைந்த சுப்மான் கில்லை நெட்டிசன்கள் கிண்டல் செய்து வருகின்றனர்.

அதிலும் அவரின் தங்கையையும் சேர்த்து நெட்டிசன்கள் விமர்சனம் செய்வது பெரும் பரபரப்பை ஏற்படுத்தி உள்ளது.

ஈ சாலா கப் நமதே என்று நம்பிக்கையாக களமிறங்கிய பெங்களூர் அணி இந்த சீசனிலும் ப்ளே ஆப் செல்லும் வாய்ப்பை இழந்து..கோப்பையை வெல்லாமல்.. இதயங்களை மட்டும் வென்று தொடரில் இருந்து வெளியேறி உள்ளது.

நேற்று குஜராத் - பெங்களூர் அணிகளுக்கு இடையிலான ஐபிஎல் போட்டி நடைபெற்றது. உறுதியாக வெல்ல வேண்டும் என்ற கட்டாயத்தில் இறங்கிய பெங்களூர் அணியில் பேட்டிங்கில் கோலி மட்டும் தனி ஆளாக நின்று போராடினார்.

20 ஓவரில் கோலி அதிரடியால் பெங்களூர் அணி 197 ரன்கள் எடுத்தது. கோலி மட்டும் 101 ரன்கள் எடுத்தார். இதனால் எப்படியும் பெங்களூர் வென்றுவிடும் என்று எதிர்பார்க்கப்பட்ட நிலையில் நேற்று குஜராத் இளம் வீரர் கில் அடித்த 104 ரன்கள் மற்றும் விஜய் சங்கர் அடித்த அரை சதம் காரணமாக குஜராத் அணி எளிதாக வென்றது.

முக்கியமாக பெங்களூர் அணியை கில் புரட்டி எடுத்தார். பாதி போட்டிக்கு இடையே கோலி அப்படியே முகத்தை தொங்கப்போட்டு உட்காரும் நிலை ஏற்பட்டது. பெங்களூர் அணியின் தோல்விக்கு முக்கிய காரணமாக குஜராத் வீரர் கில் பார்க்கப்பட்டார்.

அவரின் சதம்தான் குஜராத் அணியின் வெற்றிக்கு காரணமாக அமைந்தது. பெங்களூர் அணியின் வெளியேற்றத்திற்கு காரணமாக அமைந்த சுப்மான் கில்லை நெட்டிசன்கள் கிண்டல் செய்து வருகின்றனர்.

அதிலும் அவரின் தங்கையையும் சேர்த்து நெட்டிசன்கள் விமர்சனம் செய்வது பெறும் பரபரப்பை ஏற்படுத்தி உள்ளது.

என்ன செய்தனர்? கில் போஸ்ட் செய்த இன்ஸ்ட்டாகிராம் போஸ்ட் அனைத்திலும் பெங்களூரின் அணியின் ரசிகர்கள் கடுமையாக விமர்சனங்களை வைத்து வருகின்றனர். அதேபோல் அவரின் தங்கை ஷா நீல் கில் போஸ்டில் கூட இதேபோல் நெட்டிசன்கள் கடுமையான விமர்சனங்களை வைத்து போஸ்ட் போட்டு வருகின்றனர்.

அதிலும் சிலர் அந்த பெண்ணை உடல் ரீதியாக, கொச்சையாக, ஆபாசமாக விமர்சனம் செய்துள்ளனர். பெங்களூர் வெளியேறியதற்கு கில்தான் காரணம் என்று கூறி இந்த விமர்சனங்களை அவர்கள் வைத்து வருகின்றனர்.

நெட்டிசன்கள் இந்த செயல் இணையத்தில் கடும் விமர்சனங்களை பெற்றுள்ளது. கோலி இதில் தலையிட்டு ரசிகர்களை அடக்க வேண்டும் என்று கோரிக்கைகள் வைக்கப்பட்டு வருகின்றன.

பேட்டி: நேற்று இந்த போட்டியில் செஞ்சுரி அடித்தது தொடர்பாக கில் அளித்த பேட்டியில், நான் நல்ல ஃபார்மில் இருக்கிறேன்,. முதலில் நல்ல தொடக்கத்தை கொடுத்துவிட்டு பின்னர் கடைசி கட்டத்தில் அடித்து ஆடி அதிக ரன்களை எடுக்க வேண்டும். ஐபிஎல்லின் முதல் பாதியில், அந்த வித்தை எனக்கு வரவில்லை. இதனால் பெரியரன்களை அடிக்க முடியாமல் நான் தவறவிட்டேன். நான் நிறைய 40 மற்றும் 50 ரன்களை அடித்து இருக்கிறேன்.

ஆனால் சதம் அடிக்க முடியாமல் போனது. தற்போது அப்படி இல்லை. தற்போது அந்த வித்தையையை கற்றுக்கொண்டேன். டி20 கிரிக்கெட்டில் நான் தொடர்ந்து நிறைய புதிய ஷாட்களை ஆட வேண்டும் என்று இருக்கிறேன் என்று கில் கூறியுள்ளது குறிப்பிடத்தக்கது.

English summary

Shubman gill and his sisters abused in Social Media after RCB loss against Gujarat Titans