பாதிக்கு பாதி கடன்.. சித்தராமையாவின் சொத்து மதிப்பு இவ்வளவு தானா? மனைவியை விட ரொம்ப குறைவு! விபரம்
பெங்களூர்: கர்நாடகாவில் 2013 முதல் 2018 வரை முதல்வராக இருந்த சித்தராமையா நேற்று வருணா தொகுதியில் வேட்புமனு தாக்கல் செய்துள்ளார். இதையடுத்து அவரது சொத்து மதிப்பு குறித்த தகவல்கள் வெளியாகி உள்ளன. அதன்படி சித்தராமையா பாதிக்கு பாதி கடனாளியாக இருப்பதும், அவரது சொத்து மதிப்பு மனைவியை விட ரொம்ப குறைவாக உள்ளதும் தெரியவந்துள்ளது.
கர்நாடகா சட்டசபை தேர்தலில் முன்னாள் முதல்வரும், எதிர்க்கட்சி தலைவருமான(காங்கிரஸ்) சித்தராமையா மீண்டும் தனது சொந்த தொகுதியான மைசூர் மாவட்டம் வருணாவில் போட்டியிடுகிறார். கடந்த முறை இந்த தொகுதியில் அவரது மகன் யதீந்திரா போட்டியிட்டு பெற்றார்.
மகனின் அரசியலுக்காக சித்தராமையாக கடந்த முறை தொகுதி மாறினார். மைசூர் மாவட்டம் சாமுண்டேஸ்வரி மற்றும் பாகல்கோட்டை மாவட்டம் பாதாமியில் போட்டியிட்டார். இதில் பாதாமியில் மட்டும் வெற்றி பெற்றார். இந்த முறை சித்தராமையா கோலார் தொகுதியில் போட்டியிட விருப்பம் தெரிவித்தார்.
ஆனால் கட்சி மேலிடம் அவருக்கு வருணா தொகுதியை ஒதுக்கியது. காங்கிரஸ் கட்சிக்கு சித்தராமையா அதிக பிரசாரம் செய்ய வேண்டும்என்பதாலும், அடுத்த முதல்வர் வாய்ப்பு உள்ளவர் என்பதாலும் எளிதாக வெற்றி பெறும் வகையில் வருணா தொகுதியை சித்தராமையாவுக்கு ஒதுக்கீடு செய்யப்பட்டது. இதனால் தற்போதைய தேர்தலில் சித்தராமையாவின் மகன் யதீந்திரா போட்டியிடவில்லை.
இந்நிலையில் தான் சித்தராமையா நேற்று வருணா தொகுதியில் வேட்புமனுத்தாக்கல் செய்தார். கட்சி நிர்வாகிகள், ஆதரவாளர்கள் என பெரும்படையுடன் சித்தராமையா மனுத்தாக்கல் செய்தார். இந்த வேட்புமனுவில் சித்தராமையா தனது சொத்து விபரம் உள்பட குடும்பத்தினரின் சொத்து விபரங்களை தெரிவித்துள்ளார். அதன்படி சித்தராமையாவின் குடும்ப சொத்து மதிப்பு ரூ.51 கோடியாக உள்ளது.
இதில் சித்தராமையாவுக்கு மொத்தம் ரூ.19 கோடி சொத்து உள்ளது. இதில் 9.58 கோடி அசையும் சொத்தாகவும், 9.34 கோடி அசையா சொத்தாகவும் இருக்கிறது. கடந்த 2018 தேர்தலில் சித்தராமையாவின் சொத்து மதிப்பு ரூ.18.55 கோடியாக இருந்த நிலையில் தற்போது ரூ.55 லட்சம் வரை அதிகரித்துள்ளது. மேலும் சித்தராமையாவுக்கு 6.84 கோடி கடன் இருப்பதும் தெரியவந்துள்ளது.
அதேநேரத்தில் சித்தராமையாவின் மனைவி பார்வதிக்கு ரூ.32.12 கோடி சொத்து இருக்கிறது. இதில் ரூ.19.56 கோடி அசையா சொத்தாகவும், ரூ.11.26 கோடி அசையும் சொத்தாகவும் உள்ளது. இருப்பினும் சித்தராமையாவின் மனைவி பார்வதிக்கு 16.24 கோடி வரை கடன் இருப்பது தெரியவந்தது. இதன்மூலம் சித்தராமையாவின் சொத்து மதிப்பு என்பது அவரது மனைவி பார்வதியின் சொத்து மதிப்பை விட குறைவாக இருப்பதும், இதன்மூலம் அவர்களின் குடும்பத்துக்கு ரூ.23 கோடி வரை கடன் இருப்பதும் தெரியவந்துள்ளது.
Click it and Unblock the Notifications
Sign in with Google