எங்கே தெற்கே காணோமே.. இந்தியாவில் பாஜக ஆளும் மாநிலங்கள் இவை தான்.. மேப்பை பாருங்கள்

பெங்களூர்: பாஜக ஆட்சி இருந்த ஒரே தென் மாநிலமான கர்நாடகாவும் இப்போது காங்கிரஸ் வசம் சென்று விட்டது. இதனால் தெற்கே பாஜகவின் காவி நிறம் மறைந்துவிட்டது. இந்தியாவில் பாஜக ஆளும் மாநிலங்கள் எவை எவை என்பதை இங்கு காணலாம்.

கர்நாடகாவில் ஆளும் பாரதிய ஜனதா கட்சியை வீழ்த்தி காங்கிரஸ் கட்சி ஆட்சியை பிடித்துள்ளது. தேர்தலுக்கு பிந்தைய கருத்துக் கணிப்புகள் பெரும்பாலானவை கர்நாடகத்தில் தொங்கு சட்ட சபைக்கு வாய்ப்பு உள்ளதாக கணித்து இருந்த நிலையில் அந்த கணிப்பை எல்லாம் பொய்யாக்கி தனிப்பெரும்பான்மையுடன் ஆட்சியை பிடித்து இருக்கிறது காங்கிரஸ்.

113 இடங்கள் பெரும்பான்மைக்கு தேவைப்பட்ட நிலையில், 136 இடங்களில் வெற்றி பெற்று காங்கிரஸ் கட்சி ஆட்சியை பிடித்து இருக்கிறது. கர்நாடகாவில் காங்கிரஸ் கட்சிக்கு கிடைத்த வெற்றி நாடு முழுவதும் மிகப்பெரும் கவனம் பெற்றுள்ளது. காரணம் பாஜக ஆட்சி இருந்த ஒரே தென் மாநிலம் கர்நாடகாதான். அங்கும் தற்போது பாஜக தோல்வி அடந்து இருந்த ஒரு தென்மாநிலத்தையும் பறிகொடுத்து இருக்கிறது. இதனால் தெற்கே பாஜகவின் காவி நிறம் மறைந்துவிட்டது.

பாஜகவின் தொடர் வெற்றிகளுக்கு வைக்கப்பட்டு இருக்கும் முற்றுப்புள்ளியாகவே இது பார்க்கப்படுகிறது. ஏனனில், 2024ஆம் ஆண்டு நடைபெறும் நாடாளுமன்றத் தேர்தலுக்கு முன்னதாக தென் மாநிலங்களிலும் தனது பலத்தை நிறுவ பாஜக முயன்று வருகிறது. இந்நிலையில், தாங்கள் ஆட்சியில் இருக்கும் ஒரே மாநிலமான கர்நாடகாவிலும் பாஜக இன்று ஆட்சியைப் பறிகொடுத்துள்ளது. நாடாளுமன்ற தேர்தலுக்கு இன்னும் ஒரு ஆண்டு மட்டுமே இருக்கும் நிலையில், கர்நாடகாவில் ஆட்சியை இழந்தது பாஜகவிற்கு பெருத்த அடியாக பார்க்கப்படுகிறது.

காங்கிரஸ் முக்த் பாரத்' (காங்கிரஸ் இல்லாத இந்தியா) என்ற கோஷத்தோடு பாஜக கடந்த 5 ஆண்டுகளுக்கும் மேலாக தேர்தல் பிரசாரத்தை முன்னெடுத்து வந்தது. பாஜகவின் இந்த கோஷத்திற்கு விழுந்த பெரிய அடியாகவே கர்நாடகாவில் காங்கிரஸ் பெற்ற வெற்றி காட்டுகிறது. ஏனெனில் தென் மாநிலத்தில் தனது பலத்தை அதிகப்படுத்த வேண்டும் என்ற திட்டத்துடன் இருக்கும் பாஜகவிற்கு ஆட்சி இருந்த ஒரு மாநிலமும் கைவிட்டு போயிருப்பது பெரும் பின்னடைவாக உள்ளது.

கர்நாடகாவில் ஆட்சியை பிடித்துள்ள நிலையில் தற்போது காங்கிரஸ் கட்சி ஆட்சி நடைபெறும் மாநிலங்களின் எண்ணிக்கை 4 ஆக உயர்ந்துள்ளது. ராஜஸ்தான், சத்தீஷ்கர், இமாசல பிரதேசம் ஆகிய மாநிலங்களில் காங்கிரஸ் கட்சியின் ஆட்சி நடைபெற்று வருகிறது. நாட்டின் மொத்த மக்கள் தொகை எண்ணிக்கையில் 13.5 சதவிகித்தை காங்கிரஸ் ஆள்கிறது என்று கூட இதை சொல்லலாம். அதுபோக, பீகார் ஜார்க்கண்ட், தமிழ்நாடு ஆகிய மாநிலங்களில் காங்கிரஸ் கட்சி ஆளும் கட்சியுடன் கூட்டணியில் உள்ளது.

English summary

Karnataka, the only southern state where the BJP ruled, has now gone to the Congress. As a result, BJP's saffron color has disappeared in the south. Here you can see which states are ruled by BJP in India.