உலகின் டாப் 50 பெண் தொழில் அதிபர்கள் பட்டியலில் 4 இந்தியர்கள்

By Siva

Published: Sunday, October 20, 2013, 15:38 [IST]

Subscribe to Oneindia Tamil

நியூயார்க்: உலகின் தலைசிறந்த 50 பெண் தொழில் அதிபர்கள் பட்டியலை பார்ச்சூன் பத்திரிக்கை வெளியிட்டுள்ளது. அதில் ஐசிஐசிஐ வங்கியின் சிஇஓ சந்தா கொச்சார் உள்பட 4 இந்திய பெண்கள் இடம் பிடித்துள்ளனர்.

பார்ச்சூன் பத்திரிக்கை உலகின் தலைசிறந்த 50 பெண் தொழில் அதிபர்களின் பெயர் பட்டியலை வெளியிட்டுள்ளது.
இந்த பட்டியலில் 4 இந்திய பெண்கள் இடம் பிடித்துள்ளனர்.

முதல் மூன்று இடங்களை வெளிநாட்டவர்களே பிடித்துள்ளனர்.

பெட்ரோபிராஸ்

உலகின் தலைசிறந்த 50 பெண் தொழில் அதிபர்கள் பட்டியலில் பிரேசிலைச் சேர்ந்த எண்ணெய் மற்றும் கேஸ் கம்பெனியான பெட்ரோபிராஸின் சிஇஓ மரியா டாஸ் கிராஸஸ் ஃபாஸ்டர் முதலிடத்தை பிடித்துள்ளார். கடந்த ஆண்டும் இவரே முதலிடத்தில் இருந்தார்.

2, 3வது இடங்கள்

உலகின் தலைசிறந்த 50 பெண் தொழில் அதிபர்கள் பட்டியலில் இரண்டாவது இடத்தில் துருக்கியைச் சேர்ந்த சபான்சி ஹோல்டிங்ஸின் குலெர் சபான்சியும், மூன்றாவது இடத்தில் ஆஸ்திரேலியாவின் மிகப் பெரிய வங்கிகளில் ஒன்றான வெஸ்ட்பேக்கின் சிஇஏ கெய்ல் கெல்லியும் உள்ளனர்.

முன்னேறிய சந்தா

இந்த பட்டியலில் ஐசிஐசிஐ வங்கியின் தலைவர் 4வது இடத்தில் உள்ளார். கடந்த ஆண்டு பட்டியலில் அவர் 5வது இடத்தில் இருந்தார் என்பது குறிப்பிடத்தக்கது.

சித்ரா ராமகிருஷ்ணா

தேசிய பங்குச் சந்தையின் முதல் பெண் தலைவரான சித்ரா ராமகிருஷ்ணா இந்த பட்டியலில் 17வது இடத்தை பிடித்துள்ளார்.

ஷிகா, நைனா

இந்த பட்டியலில் ஆக்சிஸ் வங்கியின் ஷிகா சர்மா 32வது இடத்திலும், ஹெச்.எஸ்.பி.சி. இன் தலைவர் நைனா லால் கித்வாய் 42வது இடத்திலும் உள்ளனர்.

இந்திரா நூயி

அமெரிக்காவின் அதிகாரமிக்க பெண் தொழில் அதிபர்கள் பட்டியலை பார்ச்சூன் பத்திரிக்கை தனியாக வெளியிட்டுள்ளது. இதில் கடந்த ஆண்டைப் போலவே இந்த ஆண்டும் பெப்சி நிறுவன தலைவர் இந்திரா நூயி இரண்டாவது இடத்தை பிடித்துள்ளார்.

Published On October 20, 2013