லெனோவா சிஇஓவுக்கும் "லெக்" சறுக்கும்!

டெல்லி: யானைக்கும் அடி சறுக்கும் என்பார்கள். இங்கோ லெனோவா சிஇஓ யாங் யுவான்கிங்குக்கு லெக் சறுக்கியுள்ளது. தெரியாத்தனமாக, மோட்டோரோலாவின் அடுத்த தலைமுறை ஸ்மார்ட் வாட்ச்சின் படத்தை அவர் சமூக வலைதளத்தில் போட்டு தர்சமங்கடத்தை ஏற்படுத்தி விட்டார்.

மோட்டோரோலா நிறுவனத்தை லெனோவாதான் வாங்கியுள்ளது. தற்போது மோட்டோராலா நிறுவனம் மோட்டோ 360 என்ற புதிய ஸ்மார்ட் வாட்ச்சை உருவாக்கியுள்ளது. இன்னும் அது வெளியிடப்படவில்லை இந்த நிலையில் அந்த ஸ்மார்ட் வாட்ச்சின் புகைப்படங்களை சீனாவின் பேஸ்புக்கான வெய்போவில் வெளியிட்டு விட்டார் யாங். தெரியாமல் இதை அவர் செய்து விட்டார்.

முதல் மோட்டோ 360 கடந்த ஆண்டு அறிமுகமானது. அடுத்த வரிசை மோட்டோ 360 தற்போது தயாராகி வருகிறது. கடந்த ஆண்டு வெளியான மோட்டோ 360 முழுவதும் ஸ்டெயின்லெஸ் ஸ்டீல் பாடியிலானது. அதில் பல முக்கிய அம்சங்கள் இடம் பெற்றிருந்தன. அடுத்த வரிசை ஸ்மார்ட் வாட்ச்சில் மேலும் பல அம்சங்களை சேர்த்துள்ளனர்.

மேலும் இந்த வாட்ச்சுக்காக பிரத்யேகமாக விதம் விதமான ஸ்டிராப்புகளையும் மோட்டோரோலா தயாரித்துள்ளது. எல்லாம் ரகசியமாக இருந்த நிலையில் அதை படம் போட்டு உடைத்து விட்டார் யாங்.

English summary

In what appears like an accidental disclosure of the upcoming Motorola Moto 360 smartwatch, CEO of Lenovo- new parent company of Motorola, Yang Yuanqing, posted an image on Chinese social media site Weibo, showing a number of smartwatches in various states of assembly.