வங்கிகளுக்கு ரிசர்வ் வங்கி வழங்கும் கடனுக்கான வட்டி குறைப்பு: வீடு, வாகன கடன் வட்டி குறையும்

டெல்லி: வங்கிகளுக்கு வழங்கப்படும் கடனுக்கான வட்டியை (ரெபோ ரேட்) 0.25 சதவீதம் குறைத்துள்ளது ரிசர்வ் வங்கி.

இதையடுத்து 7.75 சதவீத வட்டிக்கு ரிசர்வ் வங்கியிடம் கடன் வாங்கி வந்த வங்கிகள் அதை இனி 7.50 சதவீத வட்டிக்கு வாங்க முடியும்.

இதனால் வங்கிகள் மக்களுக்கு வழங்கும் கடன்களுக்கான வட்டியையும் குறைக்க முடியும். இதனால் வங்கிகளில் மக்கள் வாங்கும் வீடு மற்றும் வாகன கடன்களுக்கான வட்டி விகிதம் குறையலாம்.

அதே போல பர்சனல் லோனுக்கான வட்டி விகிதமும் குறையும்.

ரெபோ விகிதம் 7.75 சதவீதத்தில் இருந்து 7.50 சதவீதமாக குறைக்கப்பட்டுள்ளது. அதேசமயம் வங்கிகள் ரிசர்வ் வங்கியில் வைக்க வேண்டிய இருப்புத் தொகையான சி.ஆர்.ஆர். விகிதம் 4 சதவீதமாகவே தொடர்ந்து இருக்கும் என்று கூறியுள்ளார்.

சிஆர்ஆர் விகிதம் குறைக்கப்படாததால் வங்கிகள் ரிசர்வ் வங்கியில் கட்டாயம் வைத்திருக்க வேண்டிய நிதியில் எந்த மாற்றமும் ஏற்படாது. இதனால் வங்கிகளிடம் அதிக பணப் புழக்கம் இருக்காது.

சிஆர்ஆர் விகிதத்தையும் சேர்த்து குறைத்திருந்தால் மக்களுக்கான வட்டி விகிதத்தை வங்கிகள் அதிக அளவில் குறைத்திருக்க முடியும்.

English summary

The Reserve Bank of India (RBI) in a surprising move cut the repo rate (interest rate at which it lends to banks) by 25 basis points to 7.5% to 7.75% with immediate effect, doing so for the second time in two months outside the policy review. The RBI, however, kept the CRR rate steady.