போட்டி போட்டு கட்டணத்தை குறைக்கும் ஸ்பைஸ் ஜெட் இண்டிகோ விமான நிறுவனங்கள்

டெல்லி: "சூப்பர் ஹோலி சேல்ஸ்", மற்றும் "பிளாஷ் சேல்ஸ்" என்ற பெயரில் புதிய பயணக் கட்டண சலுகையை ஸ்பைஸ் ஜெட் விமான நிறுவனம் அறிவித்துள்ளது.

கடந்த இரண்டு மாதங்களில் மட்டும் கோடைகால விமான சேவைகளுக்கான பயணக் கட்டணத்தை ஸ்பைஸ் ஜெட், இண்டிகோ போன்ற விமான நிறுவனங்கள் 3 முறை குறைத்துள்ளது.

இந்நிலையில் தற்போது 4வது முறையாக "சூப்பர் ஹோலி சேல்ஸ்", மற்றும் "பிளாஷ் சேல்ஸ்" என்ற பெயரில் பயணக் கட்டண சலுகையை ஸ்பைஸ் ஜெட் விமான நிறுவனம் குறைத்துள்ளது. டிக்கெட்டின் அடிப்படைக் கட்டணத்தில் இருந்து இந்த சலுகை அளிக்கப்படுகிறது.

சில குறிப்பிட்ட பாதைகளுக்கு ரூ.1,999 க்கும் குறைவான கட்டணங்களில் கூட டிக்கெட்டுகளை ஸ்பைஸ் ஜெட் அறிவித்துள்ளது. கட்டணத்தில் 30 சதவீதம் வரை டிஸ்கவுன்ட் தரும் இந்த சலுகைக்கான முன்பதிவு இன்று முதல் 16ந் தேதி வரை நடைபெற உள்ளதாக முன்னணி சுற்றுலா மற்றும் பயண இணையதளங்கள் கூறுகின்றன.

கட்டண சலுகையில் பயணம் செய்ய அட்வான்ஸ் புக்கிங் முறையில் 90 நாட்களுக்கு முன்கூட்டியே டிக்கெட்டை பதிவு செய்ய வேண்டும். உதாரணமாக ஸ்பைஸ் ஜெட் அறிவித்திருக்கும் சலுகையில், டெல்லியிலிருந்து சண்டிகர் செல்லும் ஒருவர் ரூ.1,999 மட்டும் செலுத்தினால் போதுமானது. மும்பையிலிருந்து அமிர்தசரஸ் செல்ல ரூ.3,999 மட்டுமே செலவாகும். கோடைகாலத்தில் பல்வேறு ஊர்களுக்கும் படையெடுக்கும் மக்களுக்கு இதுவொரு வரப்பிரசாதமாகும்.

இதே போன்று தொழிற்போட்டியின் காரணமாக பல விமான நிறுவனங்கள் கட்டணச் சலுகையை அளிக்க தயாராகி வருகின்றன. சில நிறுவனங்கள் 75 சதவீதம் வரை கூட கட்டணத்தை குறைத்துள்ளன.

English summary

Kalanithi Maran's SpiceJetBSE -1.81 % unleashed another bout of massive discounts, under the guise of 'Super Holi Sales' scheme, its fourth in three months, forcing market leader IndiGo to match the offer in their bid to entice people to fly.