கடைசியில் இவருக்கு போய் தோல்வியா? ஒரே வீடியோவில் வைரலான வேட்பாளருக்கு பெரும் ஏமாற்றம்!

இணையம் முழுக்க ஒரே வீடியோ மூலம் வைரலான பாஜக வேட்பாளர் பாக்சிஷ் சிங் தான் போட்டியிட்ட அஸந்த் தொகுதியில் தோல்வியை நோக்கி சென்று கொண்டு இருக்கிறார்.

சண்டிகர்: இணையம் முழுக்க ஒரே வீடியோ மூலம் வைரலான பாஜக வேட்பாளர் பாக்சிஷ் சிங் தான் போட்டியிட்ட அஸந்த் தொகுதியில் தோல்வியை நோக்கி சென்று கொண்டு இருக்கிறார்.

ஹரியானா தேர்தல் முடிவுகள் தற்போது வெளியாகி வருகிறது. பாஜக கூட்டணி ஹரியானாவில் 39 இடங்களில் முன்னிலை பெற்றுள்ளது. பெரும்பான்மை பெற 46 இடங்களில் வெற்றிபெற வேண்டும். காங்கிரஸ் 32 இடங்களில் முன்னிலை வகிக்கிறது.

இந்த நிலையில் பாஜகவின் பிரபல வேட்பாளர் பாக்சிஷ் சிங் பின்னடைவை சந்தித்துள்ளார். தேர்தல் பிரச்சாரத்தின் போது, பாக்சிஷ் சிங் தனது பேச்சில், ஒரு ஐந்து நிமிடம் தவறு செய்து ஐந்து வருடத்தை இழக்க போகிறீர்களா? நீங்கள் யாருக்கு வாக்களிக்கிறீர்கள் என்பதை எங்களால் எளிதாக கண்டுபிடிக்க முடியும்.

நீங்கள் யார்

ஆமாம் நீங்கள் யாருக்கு வாக்களிக்கிறீர்கள் என்பதை பிரதமர் மோடி கவனித்துக் கொண்டு இருக்கிறார். அவர் அனைத்தையும் கூர்மையாக பார்த்துக் கொண்டு இருக்கிறார். நீங்கள் யாருக்கு வாக்களிக்க வேண்டும் என்பது குறித்து யோசிக்கவே கூடாது.

பாஜக மட்டும்

நேரடியாக பாஜகவிற்கு மட்டுமே நீங்கள் வாக்களிக்க வேண்டும். நீங்கள் யாருக்கு வாக்களித்தாலும் தாமரைக்குத்தான் வாக்கு செல்லும். நாங்கள் மின்னணு வாக்கு பதிவு எந்திரத்தை அப்படித்தான் மாற்றி வைத்து இருக்கிறோம், என்று பாக்சிஷ் சிங் குறிப்பிட்டு இருந்தார்.

இணையத்தில் எப்படி

இந்த நிலையில் இணையத்தில் இவருக்கு எதிராக பலரும் கருத்து தெரிவித்தனர். பாஜக வேட்பாளர் ஒருவர் இப்படி சொல்ல கூடாது. தேர்தல் மீது இருக்கும் நம்பிக்கையே இதனால் போய்விடுகிறது என்று பலர் இணையத்தில் கடுமையான விமர்சனம் வைத்திருந்தனர்.

Modi and Khattar are sharp people. You go and vote. Press any button (on EVM). Vote will go to BJP only — Bakhshish Singh Virk, BJP MLA, Assandh (Haryana)
pic.twitter.com/HKhFGOY0V9

— Ravi Nair (@t_d_h_nair) October 20, 2019

என்ன விளக்கம்

இதையடுத்து தேர்தல் ஆணையம் பாக்சிஷ் சிங்கிடம் இது தொடர்பாக விளக்கம் அளிக்கும்படி கூறியது. அவருக்கும், மாநில பாஜகவிற்கும் இது தொடர்பாக நோட்டீஸ் அனுப்பப்பட்டது. இதற்கு அந்த வீடியோ எடிட் செய்யப்பட்டது என்று பாக்சிஷ் சிங் விளக்கம் அளித்தார்.

அட மோசம்

இந்த நிலையில் தற்போது பாக்சிஷ் சிங் தன்னுடைய ஆஸந்த் தொகுதியில் 23000 வாக்குகள் மட்டுமே பெற்று மூன்றாவது இடத்தில் இருக்கிறார். காங்கிரஸ் வேட்பாளர் ஷாம்சேர் சிங் இங்கு முன்னிலை வகிக்கிறார். பகுஜன் சமாஜ் இரண்டாவது இடத்தில் உள்ளது. மின்னணு வாக்குப்பதிவு எந்திரத்தை மாற்றுவோம் என்று கூறியவரே தோல்வி அடைந்தது பெரிய அளவில் வைரலாகி உள்ளது.

English summary

Haryana assembly elections result: Press any button famous candidate Bakhshish Singh trailing in Assand, Haryana.