நாட்டை காட்டி கொடுத்த துரோகி.. பாகிஸ்தானுக்காக உளவு பார்த்த பிரபல யூடியூபர் கைது.. யார் இவர்?

சண்டிகர்: பாகிஸ்தானுக்காக பஞ்சாபில் உளவு பார்த்த குற்றச்சாட்டில் மற்றொரு யூடியூபர் ஜஸ்பீர் சிங்கை போலீசார் கைது செய்துள்ளனர். இவர் ஏற்கனவே கைது செய்யப்பட்ட பெண் யூடியூபர் ஜோதி மல்ஹோத்ராவுடன் தொடர்புடையவர் என்பது தெரியவந்துள்ளது.

பஹல்காமில் பாகிஸ்தான் ஆதரவு பயங்கரவாதிகள் துப்பாக்கிச்சூடு நடத்தி 26 பேரை கொன்றனர். இந்த சம்பவத்தை தொடர்ந்து நம் நாடு ‛ஆபரேஷன் சிந்தூர்' மூலம் பதிலடி கொடுத்தது. பாகிஸ்தானுக்கும், நமக்கும் கடும் மோதல் ஏற்பட்டது.

கடந்த 7 ம் தேதி முதல் 10 ம் தேதி வரை நம் நாடு அடித்த அடியில் பாகிஸ்தானின் பயங்கரவாத முகாம்கள், விமானப்படை தளம், ராணுவ தளம் உள்ளிட்டவை அழிக்கப்பட்டன. பாகிஸ்தான் கெஞ்சியதால் இந்த மோதல் முடிவுக்கு வந்தது.

இதையடுத்து, பாகிஸ்தானுக்காக உளவுப்பார்த்த இந்திய நபர்கள் அதிரடியாக கைது செய்யப்பட்டு வருகின்றனர். தற்போது 15க்கும் அதிகமானவர்கள் கைது செய்யப்பட்டுள்ளனர். தற்போது பஞ்சாப்பை சேர்ந்த யூடியூபர் கைது செய்யப்பட்டுள்ளார். ஏற்கனவே ஹரியானாவை சேர்ந்த பெண் யூடியூபர் ஜோதி மல்ஹோத்ரா கைது செய்யப்பட்டு இருந்தார். இதனால் கைதாகும் யூடியூபர்களின் எண்ணிக்கை 2 ஆக அதிகரித்துள்ளது.

தற்போது கைதாகி உள்ள யூடியூபர் ஜஸ்பீர் சிங் ‛ஜான் மஹால்' என்ற பெயரில் யூடியூப் சேனல் வைத்துள்ளார். மொத்தம் 1.1 மில்லியனுக்கும் அதிகமான சப்ஸ்கிரைபர்கள் உள்ளனர். இவரை இன்று போலீசார் கைது செய்தனர். உளவுத்துறை அளித்த தகவலின் பேரில் மொஹாலி சிறப்பு நடவடிக்கை பிரிவு போலீசார் ஜஸ்பீர் சிங்கை கைது செய்துள்ளனர். அவரிடம் தீவிர விசாரணை மேற்கொள்ளப்பட்டு வருகிறது.

இவர் ரூப் நகர் மாவட்டத்தில் உள்ள மஹ்லான் கிராமத்தை சேர்ந்தவர். இவர், இந்திய வம்சாவளியை சேர்ந்த பாகிஸ்தான் உளவுத்துறை அதிகாரி ஷகீர் என்ற ஜட் ரந்தாவாவுடன் நெருங்கிய தொடர்பு வைத்துள்ளார். அதேபோல், டெல்லியில் உள்ள பாகிஸ்தானும் மாஜி அதிகாரியான எஹ்சான் உர் ரஹீம் என்ற டேனிஷ் உடனும் உறவு வைத்துள்ளார். சமீபத்தில், ஹரியானாவை சேர்ந்த ஜோதி மல்ஹோத்ரா என்ற யூடியூபரை போலீசார் கைது செய்தனர்.

English summary

Punjab Police on Wednesday arrested another YouTuber Jasbir Singh for 'spying'. He has ties to Jyoti Malhotra.