மூத்த ஐஏஎஸ் அதிகாரிகள் இடமாற்றம்.. தமிழக அரசு அதிரடி உத்தரவு!

சென்னை: 2 மூத்த ஐஏஎஸ் அதிகாரிகளை பணி இடமாற்றம் செய்து தமிழக அரசு உத்தரவிட்டுள்ளது. காகர்லா உஷா மற்றும் சமயமூர்த்தி ஐஏஎஸ் ஆகியோர் டிரான்ஸ்பர் செய்யப்பட்டுள்ளனர்.

தமிழ்நாட்டில் பணியாற்றி வரும் ஐஏஎஸ் மற்றும் ஐபிஎஸ் அதிகாரிகளை நிர்வாக காரணங்களுக்காக தமிழக அரசு அவ்வப்போது பணியிட மாற்றம் செய்வது வழக்கம். அந்த வகையில் இன்று 2 மூத்த ஐ.ஏ.எஸ் அதிகாரிகளை பணியிட மாற்றம் செய்து தமிழ்நாடு அரசு உத்தரவிட்டுள்ளது. இதற்கான உத்தரவை தமிழ்நாடு அரசின் தலைமைச் செயலர் சிவ்தாஸ் மீனா பிறப்பித்துள்ளார்.

லோக்சபா தேர்தல் விரைவில் நடைபெற இருக்கும் நிலையில், தொடர்ச்சியாக பல்வேறு துறைகளின் அதிகாரிகள், மாவட்ட ஆட்சியர்கள் மாற்றப்பட்டு வருகின்றனர். நேற்று தமிழ்நாட்டில் 20 ஐஏஎஸ் அதிகாரிகள் மாற்றப்பட்ட நிலையில் இன்று மூத்த ஐஏஎஸ் அதிகாரிகள் இருவர் பணியிட மாற்றம் செய்யப்பட்டுள்ளனர்.

மூத்த ஐஏஎஸ் அதிகாரி காகர்லா உஷா, சுற்றுலாத் துறை ஆணையராகவும், தமிழ்நாடு சுற்றுலா வளர்ச்சிக் கழகத்தின் எம்.டியாகவும் செயல்பட்டு வந்த நிலையில், அவர் வீட்டு வசதி மற்றும் நகர்ப்புற மேம்பாட்டுத்துறை முதன்மை செயலராக பணியிட மாற்றம் செய்யப்பட்டுள்ளார்.

சமயமூர்த்தி ஐ.ஏ.எஸ், வீட்டு வசதி, நகர்ப்புற மேம்பாட்டுத்துறை முதன்மை செயலராக செயல்பட்டு வந்த நிலையில், அவர் சுற்றுலாத்துறை ஆணையராக பணியிட மாற்றம் செய்யப்பட்டுள்ளார்.

English summary

Tamil Nadu government has ordered the transfer of 2 senior IAS officers. Kakarla Usha and Samayamoorthy IAS have been transferred.