தமிழகத் தேர்தல் 2021: மிகப்பெரிய வாக்கு வித்தியாசத்தில் வென்றவர்கள் யார்?

சென்னை: தமிழக சட்டசபைத் தேர்தலுக்கு இன்னும் 1 நாள் மட்டுமே இருக்கும் நிலையில், 2021 சட்டசபைத் தேர்தலில் அதிக வாக்குகள் வித்தியாசத்தில் வென்ற வேட்பாளர்கள் யார் யார் என்பதை பார்க்கலாம்.

தமிழக சட்டசபைத் தேர்தலின் இறுதிக் கட்ட பிரச்சாரம் தீவிரமாக நடந்து வருகிறது. திமுக, அதிமுக, தவெக, நாதக உள்ளிட்ட அத்தனை கட்சிகளும் தீவிர வாக்கு சேகரிப்பில் ஈடுபட்டு வருகின்றனர். இந்த நிலையில் 2021 சட்டசபைத் தேர்தலில் நடந்த முக்கிய சம்பவங்கள் தொடர்பாக நமது ஒன் இந்தியா தமிழ் தொடர்ந்து வாசகர்களுக்கு நினைவூட்டி வருகிறது.

ஆத்தூரில் ஐ.பெரியசாமி

இந்த நிலையில் கடந்த தேர்தலில் அதிக வாக்குகள் வித்தியாசத்தில் வென்ற வேட்பாளர்கள் தொடர்பாக விரிவாக பார்க்கலாம். அதன்படி 2021 சட்டசபைத் தேர்தலில் ஆத்தூர் தொகுதியில் திமுக சார்பாக போட்டியிட்ட ஐ.பெரியசாமி தன்னை எதிர்த்து பாமக சார்பாக களமிறக்கப்பட்ட திலகபாமாவை 1,35,571 வாக்குகள் வித்தியாசத்தில் வெற்றி பெற்றார்.

திருவண்ணாமலையில் எ.வ.வேலு

தமிழ்நாட்டில் அதிக வாக்குகள் வித்தியாசத்தில் வென்ற வேட்பாளர் என்ற பெருமையையும் ஐ.பெரியசாமி பெற்றார். இவர் பெற்ற மொத்த வாக்கு சதவிகிதம் 72.60 ஆகும். தொடர்ந்து திருவண்ணாமலை தொகுதி திமுக வேட்பாளர் எ.வ.வேலு தன்னை எதிர்த்து களமிறங்கிய பாஜக வேட்பாளர் தனிகைவேலை 94,673 வாக்குகள் வித்தியாசத்தில் வீழ்த்தினார்.

எடப்பாடியில் எடப்பாடி பழனிசாமி

பின்னர் பூந்தமல்லி தொகுதியில் திமுக வேட்பாளர் கிருஷ்ணசாமி தன்னை எதிர்த்து போட்டியிட்ட பாமக வேட்பாளர் ராஜமன்னாரை 94,110 வாக்குகள் வித்தியாசத்தில் வீழ்த்தினார். இதையடுத்து எடப்பாடி தொகுதியில் போட்டியிட்ட எடப்பாடி பழனிசாமி திமுக வேட்பாளர் சம்பத் குமாரை 93,802 வாக்குகள் வித்தியாசத்தில் வீழ்த்தினார்.

ஸ்டாலின், உதயநிதி ஸ்டாலின்

திருச்சி மேற்கு தொகுதியில் திமுக சார்பாக போட்டியிட்ட கே.என்.நேரு அதிமுக வேட்பாளர் பத்மநாபனை 85,109 வாக்குகள் வித்தியாசத்தில் வீழ்த்தினார். கொளத்தூர் தொகுதியில் போட்டியிட்ட ஸ்டாலின் அதிமுக வேட்பாளர் ஆதிராஜாராமை 70,384 வாக்குகள் வித்தியாசத்தில் வீழ்த்தினார். அதேபோல் சேப்பாக்கம் தொகுதியில் போட்டியிட்ட உதயநிதி ஸ்டாலின் தன்னை எதிர்த்து களமிறங்கிய பாமக வேட்பாளர் கசாலியை 69,355 வாக்குகள் வித்தியாசத்தில் வீழ்த்தினார்.

English summary

2021 Tamil Nadu Assembly Election:Top 5 Candidates with the Highest Victory Margins. In this List of Names including I Periyasamy, MK Stalin, Edappadi Palaniswami, Udhayanithi Stalin, EV velu and Krishnasamy.