சென்னையில் 5-ஆவது நாளாக 4 ஆயிரத்தைத் தாண்டிய கொரோனா பாதிப்பு!.. டிஸ்சார்ஜிலும் கலக்கல்!

சென்னை: சென்னையில் 4764 பேருக்கு கொரோனா பாதிப்பு ஏற்பட்டுள்ளது. இன்று ஒரே நாளில் 4647 பேர் கொரோனாவிலிருந்து மீண்டு வீடு திரும்பியுள்ளனர். அதாவது மருத்துவமனைக்கு வந்தவர்களை போல் 100 சதவீதம் பேர் சிகிச்சை முடிந்து வீடு திரும்பியுள்ளனர்.

தமிழகத்தில் இரண்டாவது அலை மிகவும் தீவிரமாக வீசி வருகிறது. இதனால் தமிழகத்தில் கொரோனா பரவல் அதிகரித்துள்ளது. கடந்த பிப்ரவரி மாதத்தில் குறைந்த அளவில் இருந்த பாதிப்பு தற்போது பல்கி பெருகி வருகிறது.

இந்த நிலையில் தினந்தோறும் தமிழகத்தில் ஏற்படும் கொரோனா பாதிப்பு குறித்து சுகாதாரத் துறை அறிக்கை வெளியிட்டு வருகிறது. அதன்படி சென்னையில் 4764 பேருக்கு கொரோனா பாதிப்பு ஏற்பட்டுள்ளது.

சென்னை

இன்று ஒரே நாளில் 4647 பேர் கொரோனாவிலிருந்து மீண்டுள்ளனர். சென்னை இன்று ஒரே நாளில் 32 பேர் கொரோனாவால் பலியாகிவிட்டனர். இதன் மூலம் சென்னையில் 4,661 பேர் இதுவரை பலியாகிவிட்டனர். இதன்படி தமிழகத்தில் இன்று ஒரே நாளில் 98 பேர் பலியாகிவிட்டனர்.

ஈரோடு

அரியலூரில் இன்று ஒரே நாளில் 28 பேருக்கும் செங்கல்பட்டில் 1219 பேருக்கும் சென்னையில் 4764 பேருக்கும் கோவையில் 963 பேருக்கும் கடலூரில் 218 பேருக்கும் தருமபுரியில் 196 பேருக்கும், திண்டுக்கல்லில் 233 பேருக்கும் ஈரோட்டில் 457 பேருக்கும் கொரோனா பாதிப்பு ஏற்பட்டுள்ளது.

கன்னியாகுமரி

காஞ்சிபுரத்தில் 443 பேருக்கும் கன்னியாகுமரியில் 242 பேருக்கும் திருவள்ளூரில் 751 பேருக்கும் திருவண்ணாமலையில் 197 பேருக்கும் கொரோனா பாதிப்பு ஏற்பட்டுள்ளது. அது போல் இதுவரை அரியலூரில் 5485 பேருக்கும் செங்கல்பட்டில் 77483 பேருக்கும் கோவையில் 76259 பேருக்கும் சென்னையில் 323452 பேருக்கும் கொரோனா பாதிப்பு ஏற்பட்டுள்ளது.

60 வயது

12 வயதுக்குட்பட்டவர்களில் 20175 ஆண்களுக்கும் 20719 பெண்களுக்கும் என 40894 பேர் கொரோனாவால் பாதிக்கப்பட்டுள்ளார்கள். அது போல் 13 முதல் 60 வயதுடையோரில் 563424 ஆண்களும் 368419 பெண்களும் 60 வயதை கடந்தோரில் 98920 ஆண்களுக்கும் 58472 பெண்களுக்கும் கொரோனா பாதிப்பு ஏற்பட்டுள்ளது.

English summary

4764 cases were found positive in Chennai today. Here are the list of corona cases in districts.