இப்போ வேண்டாம்.. நேரம் சரியில்லை.. பாஜக தோல்வியால் அரசியல் அறிவிப்பை தள்ளிப்போட்டாரா ரஜினி?

பாஜக 5 மாநில சட்டமன்ற தேர்தலில் படுதோல்வியை சந்தித்து இருப்பதால், ரஜினிகாந்த் தனது அரசியல் அறிவிப்பை வெளியிடுவதை தள்ளிப்போட்டு இருக்கிறார் என்று தகவல்கள் வருகிறது.

Published: Wednesday, December 12, 2018, 12:23 [IST]

Subscribe to Oneindia Tamil

Recommended Video

செல்வாக்கை இழந்து விட்டது பாஜக: ரஜினிகாந்த் பேச்சு-வீடியோ

சென்னை: பாஜக 5 மாநில சட்டமன்ற தேர்தலில் படுதோல்வியை சந்தித்து இருப்பதால், ரஜினிகாந்த் தனது அரசியல் அறிவிப்பை வெளியிடுவதை தள்ளிப்போட்டு இருக்கிறார் என்று தகவல்கள் வருகிறது.

ஐந்து மாநில சட்டசபை தேர்தல் முடிவுகள் வெளியாகி இருக்கிறது. பாஜக கொஞ்சமும் எதிர்பார்க்காத வகையில் பெரிய தோல்வியை இந்த தேர்தலில் சந்தித்துள்ளது.

இந்த தேர்தல் தோல்வி காரணமாக பாஜகவினர் பெரிய அதிர்ச்சியில் உள்ளனர். இந்த தோல்வி ரஜினியின் தொடங்கப்படாத அரசியல் பயணத்திலும் பெரிய மாற்றத்தை ஏற்படுத்தி உள்ளது.

அறிவிப்பதாக இருந்தது

நடிகர் ரஜினிகாந்த இன்று அவரது அரசியல் கட்சி குறித்த அறிவிப்பையும், கொள்கை குறித்த அறிவிப்பையும் வெளியிடுவதாக இருந்தது. இதற்கான ஏற்பாடுகள் ரகசியமாக நடந்து வந்ததாக ரஜினிக்கு நெருக்கமானவர்கள் தெரிவித்தனர். பிறந்த நாளை முன்னிட்டு ரஜினி அரசியல் குறித்து பேசுவார் என்று கூறப்பட்டது.

ரஜினி அதிர்ச்சி

ஆனால் ரஜினி ஐந்து மாநில சட்டசபை தேர்தல் முடிவுகளை பார்த்து அதிர்ச்சி அடைந்துள்ளார் என்று கூறுகிறார்கள். பாஜகவிற்கு நெருக்கமாக இருக்கும் ரஜினி, இந்த தேர்தல் முடிவால் துவண்டு போய் இருப்பதாக கூறுகிறார்கள். ஒருவேளை பாஜகவிற்கு ஏற்பட்ட நிலைமை நமக்கும் ஏற்படுமோ என்று ரஜினி நினைப்பதாக அவருக்கு நெருக்கமானவர்கள் தெரிவிக்கிறார்கள்.

பேட்டி கொடுத்தார்

இதன் காரணமாகத்தான் இதுபோன்ற விஷயங்களில் அமைதியாக இருக்கும் ரஜினி நேற்று பேட்டி கொடுத்தார். ரஜினி பாஜக குறித்து நேற்று வெளியிட்ட கருத்தில், 5 மாநிலத் தேர்தல் முடிவுகள் பாஜக செல்வாக்கு இழந்ததை காட்டுகிறது. 5 மாநில தேர்தல் முடிவுகள் பாஜகவிற்கு பெரும் பின்னடைவு, என்று பாஜகவிற்கு எதிராக 5 மாநில தேர்தல் முடிவுகள் என்று தெரிவித்துள்ளார்.

தள்ளிப்போட முடிவு

பாஜக 5 மாநில சட்டமன்ற தேர்தலில் படுதோல்வியை சந்தித்து இருப்பதால், ரஜினிகாந்த் தனது அரசியல் அறிவிப்பை வெளியிடுவதை தள்ளிப்போட்டு இருக்கிறார் என்று தகவல்கள் வருகிறது. இன்று அரசியல் குறித்து பேச நினைத்த ரஜினி அதை தள்ளிப்போட முடிவெடுத்து இருப்பதாக தகவல்கள் வருகிறது. போட்டு வைத்திருந்த திட்டங்களை எல்லாம் ரஜினி ஒத்திவைத்துவிட்டதாக கூறுகிறார்கள்.

Published On December 12, 2018